तरूणीला लिफ्ट दिली, शेतात घेऊन जात तिघांकडून अत्याचार, नंतर पीडितेला म्हणाले...

पीडित मुलगी तिच्या आजीच्या घरी एकटीच चालत जात होती. वाटेत आरोपी प्रतीक सुनील साटोणे (26 वर्ष) याने तिला थांबवलं आणि सांगितलं की मी तुला तुझ्या आजीच्या घरी सोडतो. पीडित मुलगी त्याला ओळखत होती, दोघंही एकाच परिसरात राहत होते. त्यामुळे पीडितेने विश्वास ठेवला आणि ती त्याच्या दुचाकीवर बसली. पण आरोपीने तिला आजीच्या घराकडे नेण्याऐवजी गावापासून तीन किलोमीटर अंतरावर असलेल्या त्याच्या शेतात नेलं.  तिथं बांधलेल्या झोपडीत नेऊन तिच्यावर बलात्कार केला.

हे ही वाचा >> धो धो...! पुण्यात मुसळधार पावसामुळे भलंमोठं होर्डिंग कोसळलं, घाटकोपर दुर्घटनेची पुनरावृत्ती

त्यानंतर प्रतीकने त्याचे दोन मित्र विक्रम उर्फ ​​विक्की खुशाल सातोने (29 वर्ष) आणि अंकित संजय काकडे (31 वर्षे) - यांनाही तिथं बोलावलं. त्यानंतर तिघांनीही मुलीवर सामूहिक बलात्कार केला.  जर याबद्दल कुणाला काही सांगितलं तर तुला जीवे मारून टाकू अशी धमकीही आरोपींनी दिली.

त्यामुळे तरूणी खूप घाबरली. एप्रिल महिन्यात घडलेली ही घटना पीडितेनं कुणालाच सांगितली नव्हती. बदनामीच्या भीतीने पीडिता आतापर्यंत गप्प राहिली, पण या घटनेमुळे ती अस्वस्थ होती. त्यामुळे तिने मोठी हिंमत करुन पोलीस स्टेशन गाठलं.

पीडितेने धाडस दाखवत पोलीस स्टेशन गाठून तक्रार दाखल केली. तक्रार दाखल होताच चिमूर पोलिसांनी आरोपीविरुद्ध बलात्कार आणि धमकीच्या कलमांखाली गुन्हा दाखल केला. पोलिसांनी तपास सुरू करत काही तासांतच प्रतीक सुनील साटोणे आणि विकी उर्फ ​​विक्रांत खुशाल साटोणे यांना अटक करण्यात आली आहे. तर तिसरा आरोपी अंकित संजय काकडे फरार आहे. त्याच्या शोधात पोलीस पथकं सतत छापे टाकत आहेत.

हे ही वाचा >> कल्याणमध्ये इमारतीचा स्लॅब कोसळून 6 जण ठार, ढिगाऱ्याखाली दबलेले अनेकजण गंभीर, कशी घडली घटना?

चिमूर पोलिस स्टेशनचे एसएचओ संतोष बकाल म्हणाले, "ही एक अतिशय गंभीर बाब आहे. आम्ही पीडितेची वैद्यकीय तपासणी केली आहे आणि आवश्यक पुरावे गोळा केले जात आहेत. दोन आरोपींना अटक करण्यात आली आहे आणि तिसऱ्याचा शोध सुरू आहे. अटक केलेल्या दोन्ही आरोपींना दोन दिवसांची पोलीस कोठडी मिळाली आहे. भारतीय दंड संहितेच्या कलम 64, 70 (1), 351 (2), 3 (5) अंतर्गत गुन्हा दाखल करण्यात आला आहे.