पाच वर्षांचा चिमुकला मांडीवर बसलेला असताना आईने स्वत:वर अ‍ॅसिड ओतलं, अन् नंतर दोघेही...

Crime News : मध्यप्रदेशातील इंदुरमधून अंगावर काटा आणणारी आणि अतिशय धक्कादायक घटना समोर आली आहे. नवविवाहितेने पाच वर्षांचा चिमुकला मांडीवर असताना स्वत:वर अॅसिड टाकून घेतल्याची घटना घडलीये. सुमन असं स्वत:वर अॅसिड ओतून घेणाऱ्या महिलेचं नाव आहे. घटना घडली त्यावेळी आई आणि पाच वर्षांचा चिमुकला दोघेच घरात होते. अॅसिड टाकून घेतल्यामुळे दोघेही गंभीरपणे जखमी झाले होते. कुटुंबियांना समजताच त्यांनी दोघांनाही रुग्णालयात नेले. परंतु गुरुवारी रात्री मुलाचा आणि शुक्रवारी सकाळी आईचा मृत्यू झाला. हा प्रकार राऊ पोलीस ठाण्याच्या हद्दीतील विहार कॉलनीत घडला. ही घटना गुरुवारी संध्याकाळी सुमारे 6 वाजताच्या सुमारास घडली, तर पोलिसांना याबाबतची माहिती रात्री 9 वाजता रुग्णालयाकडून मिळाली.