प्रियकरासोबत लग्न करायचं म्हणून ख्रिश्चन मुलगी मुस्लिम झाली, पण शेवटी नवऱ्याने चेहऱ्यावर अॅसिड फेकलं, दोन्ही डोळे गेले
Crime News : एका नराधम पतीने वेगळं राहात असलेल्या पत्नीचा पाठलाग करून तिच्या चेहऱ्यावर अॅसिड क्लीनर फेकून तिचा चेहरा विद्रूप करण्याचा प्रयत्न केला. या भीषण हल्ल्यात 29 वर्षीय पीडित महिलेच्या एका डोळ्याची 50 टक्के दृष्टी गेली असून, तिला दुसरा डोळा उघडणेही कठीण झाले आहे.
ADVERTISEMENT
बातम्या हायलाइट
प्रियकरासोबत लग्न करायचं म्हणून ख्रिश्चन मुलगी मुस्लिम झाली
पण शेवटी नवऱ्याने चेहऱ्यावर अॅसिड फेकलं, दोन्ही डोळे गेले
Crime News : तामिळनाडूची राजधानी चेन्नईमध्ये माणुसकीला काळिमा फासणारी एक संतापजनक घटना समोर आली आहे. 31 वर्षीय मोहम्मद अली याने आपल्या 29 वर्षीय पत्नीवर भररस्त्यात अॅसिड फेकून हल्ला केला. पीडित महिलेने दिलेल्या माहितीनुसार, तिने आपल्या कुटुंबाचा विरोध पत्करून मोहम्मद अलीशी प्रेमविवाह केला होता. ख्रिश्चन धर्मीय असलेल्या या महिलेने लग्नासाठी मुस्लिम धर्मही स्वीकारला होता. मात्र, लग्नानंतरचे सहा वर्षे तिच्यासाठी अत्यंत क्लेशदायक ठरले. पतीच्या सततच्या संशयी स्वभावामुळे आणि शारीरिक छळामुळे त्रस्त होऊन तिने दोनदा आत्महत्येचा प्रयत्नही केला होता, परंतु शेजाऱ्यांच्या सतर्कतेमुळे तिचे प्राण वाचले होते. अखेर पतीच्या जाचाला कंटाळून ती त्याच्यापासून वेगळी राहू लागली होती आणि तिने न्यायालयात घटस्फोटासाठी अर्जही दाखल केला होता.
सहा वर्षांचा छळ आणि अॅसिड हल्ल्याचा थरार
घटनेच्या दिवशी म्हणजेच रविवारी रात्री, आरोपी मोहम्मद अली हा चर्चेच्या बहाण्याने पत्नीच्या घरी आला होता. त्यांच्यात पुन्हा एकदा जोरदार वाद झाला आणि रागाच्या भरात मोहम्मदने आपल्यासोबत आणलेली अॅसिड क्लीनरची बाटली बाहेर काढली. पतीने हातातील बाटली उघडताच आपला जीव वाचवण्यासाठी महिला घराबाहेर पळाली, मात्र नराधम पतीने तिचा पाठलाग करून भररस्त्यात तिच्या चेहऱ्यावर अॅसिड फेकले. ही सर्व थरारक घटना परिसरातील सीसीटीव्ही कॅमेऱ्यात कैद झाली आहे. सुदैवाने, या संघर्षात एका शेजाऱ्याने मध्यस्थी करून आरोपीला रोखल्यामुळे महिलेला तिथून पळ काढता आला. अॅसिडमुळे गंभीर भाजलेल्या अवस्थेत स्थानिक नागरिकांनी तिला तातडीने पूनामल्ली येथील डोळ्यांच्या रुग्णालयात उपचारासाठी दाखल केले.
पोलिसांच्या भूमिकेवर प्रश्नचिन्ह आणि पीडितेची व्यथा
या भीषण हल्ल्यामुळे पीडितेच्या आयुष्याचे अपरंपार नुकसान झाले आहे. डॉक्टरांनी दिलेल्या माहितीनुसार, तिच्या एका डोळ्याची दृष्टी निम्मी निकामी झाली असून दुसऱ्या डोळ्याची स्थितीही चिंताजनक आहे. रुग्णालयातूनच तिने पोलिसात तक्रार दाखल केली असून आपल्या जीवाला धोका असल्याचे सांगितले आहे. पीडित महिलेने अत्यंत उद्वेगाने आरोप केला आहे की, इतकी गंभीर घटना घडूनही आणि सीसीटीव्ही पुरावे उपलब्ध असतानाही पोलिसांनी आतापर्यंत या प्रकरणात कोणतीही ठोस कारवाई केलेली नाही. "मी माझ्या कुटुंबाचा त्याग करून ज्याच्यावर विश्वास ठेवला, त्यानेच माझे आयुष्य उद्ध्वस्त केले," अशी भावना तिने व्यक्त केली आहे. पतीने केलेल्या या अघोरी कृत्यामुळे तिच्या सौंदर्यासोबतच तिच्या आरोग्यावरही कायमस्वरूपी परिणाम झाला आहे.
हे वाचलं का?
