प्रेयसीचं लग्न ठरल्याचं समजताच प्रियकर संतापला, प्रेयसीच्या घरात घुसला अन्...
Crime News : प्रेयसीचं लग्न ठरल्याने संतापलेल्या प्रियकराने घरात घुसून तिला गोळी झाडल्याची घटना घडली. गोळीबारात तरुणीचा जागीच मृत्यू झाला असून आरोपी फरार आहे.
ADVERTISEMENT
बातम्या हायलाइट
प्रेयसीचं लग्न ठरल्याचं समजताच प्रियकर संतापला
प्रेयसीच्या घरात घुसला अन्...
UP Crime News : उत्तर प्रदेशातील झाशीमध्ये एका तरुणाने आपल्या प्रेमिकेची गोळी झाडून हत्या केल्याची घटना समोर आली आहे. सीपरी बाजार पोलीस ठाण्याच्या हद्दीतील सिद्धेश्वर नगर येथे ही घटना घडली. मृत तरुणीचे नाव चंचल असून तिचे आरोपी कमलसोबत प्रेमसंबंध होते. दोघांना लग्न करायचे होते, मात्र त्यांच्या कुटुंबीयांना हे नातं मान्य नव्हतं. दरम्यान, चंचलच्या कुटुंबीयांनी तिचं लग्न 12 डिसेंबरला ठरवलं होतं. हे समजल्यानंतर कमलने संतापून चंचलची हत्या केल्याची माहिती पोलिसांनी दिली आहे.
हेही वाचा : प्राध्यापकाच्या हत्येने लातूर हादरलं, बहिणीसोबत प्रेमसंबंध असल्याचा संशय, 2 भावांनी मिळून संपवलं
'ती' माहिती मिळाली, अन् कमलचा चंचलला संपवण्याचा निर्णय
पोलिसांच्या माहितीनुसार, चंचल आणि कमल हे सिद्धेश्वर नगरमध्येच राहत होते. दोघांमध्ये प्रेमसंबंध होते आणि ते लग्न करण्याच्या विचारात होते. मात्र कुटुंबीयांचा विरोध असल्याने त्यांचं लग्न होऊ शकलं नाही. त्यानंतर चंचलच्या कुटुंबीयांनी तिचं लग्न दुसरीकडे ठरवलं. लग्नाची तारीखही 12 डिसेंबर निश्चित करण्यात आली होती. ही माहिती मिळाल्यानंतर कमलने चंचलला संपवण्याचा निर्णय घेतल्याचं पोलिसांच्या तपासातून समोर आलं आहे. या घटनेनंतर परिसरात खळबळ उडाली आहे.
हेही वाचा : वडिलांचा व्यवसाय बुडाला अन्… सुपरस्टार नाना पाटेकरांचा थक्क करणारा प्रवास, संघर्ष आणि यश!