दुर्गंधी सुटल्याने बंद घराचा दरवाजा मालकाने तोडला, किचनखाली महिलेची बॉडी अन् 5 महिन्यांनी खुलासा
Crime News : एका प्लंबरने महिला मजुराची हत्या करून तिचा मृतदेह स्वयंपाकघराच्या फरशीखाली गाडून लपवल्याची धक्कादायक घटना पाच महिन्यांनंतर उघडकीस आली आहे.
ADVERTISEMENT
बातम्या हायलाइट
दुर्गंधी सुटल्याने बंद घराचा दरवाजा मालकाने तोडला
किचनखाली महिलेची बॉडी अन् 5 महिन्यांनी खुलासा
Crime News : एका 47 वर्षीय प्लंबरने आपल्या ओळखीच्या महिला मजुराची निर्घृण हत्या केली. हत्येनंतर पुरावे नष्ट करण्यासाठी त्याने पीडितेचा मृतदेह चक्क स्वयंपाकघराच्या फरशीखाली खड्डा खोदून विटांच्या साहाय्याने लपवून ठेवला आणि घराला कुलूप लावून फरार झाला. तब्बल पाच महिन्यांपर्यंत हे गुपित दडपलेले राहिले, मात्र जेव्हा बंद घरातून असह्य दुर्गंधी येऊ लागली आणि घरमालकाने दरवाजा तोडून आत प्रवेश केला, तेव्हा स्वयंपाकघराच्या खाली महिलेचा सडलेला सांगाडा आढळल्याने सर्वांचेच झोप उडाली. मल्काजगीरी पोलिसांनी या प्रकरणाचा छडा लावून आरोपी प्लंबरला अटक केली असून, या घटनेने संपूर्ण शहरात खळबळ उडाली आहे.
दारूच्या नशेत झालेल्या अपमानाचा सूड; 15 डिसेंबरच्या रात्री घडले हत्याकांड
पोलीस तपासात समोर आलेल्या माहितीनुसार, आरोपी प्लंबर आपल्या कुटुंबापासून वेगळा भाड्याच्या खोलीत राहत होता आणि त्याची ओळख एका मजूर अड्ड्यावर 47 वर्षीय पीडित महिलेशी झाली होती. 15 डिसेंबर 2025 रोजी काम न मिळाल्याने या दोघांनी प्रथम दारूच्या दुकानाजवळ आणि नंतर आरोपीच्या घरी बसून मद्यप्राशन केले. दारूच्या नशेत असताना महिलेने आरोपीच्या वैयक्तिक आयुष्याबद्दल काही अपमानजनक टिप्पणी केली, ज्यामुळे आरोपी प्रचंड संतापला. रागाच्या भरात त्याने लाकडी दांडक्याने महिलेच्या डोक्यावर जोरदार प्रहार केला, ज्यामध्ये तिचा जागीच मृत्यू झाला. क्षुल्लक कारणावरून झालेल्या वादाचे रूपांतर अशा भीषण हत्याकांडात झाल्याने पोलीसही थक्क झाले आहेत.
मृतदेह फरशीखाली गाडून आरोपी झाला पसार; 5 महिन्यानंतर घरमालकामुळे उघडले बिंग
