'मला मरायची इच्छा नाही, पण..'

विष प्राशन करण्यापूर्वी विनोद मिश्रा यांनी 6-7 मिनिटांचा एक ऑडिओ रेकॉर्ड केला होता. या ऑडिओमध्ये रडत रडत त्यांनी म्हटले की, त्यांना मरायची इच्छा नाही, परंतु पत्नी आणि सासरच्या लोकांनी त्यांना इतके हतबल केले आहे की आत्महत्येशिवाय दुसरा कोणताही मार्ग उरला नाही. त्यांनी मुख्यमंत्री योगी आदित्यनाथ यांच्याकडे न्यायाची मागणीही केली होती. विष प्राशन केल्यानंतर त्यांचा मित्र मनीष याने त्यांना मेडिकल कॉलेजमध्ये दाखल केले होते, मात्र त्यांचे प्राण वाचवता आले नाहीत.

हे ही वाचा : Impact feature: सुनील गावस्कर यांच्या उपस्थितीत ‘महाराष्ट्र टेनिस क्रिकेट चॅम्पियन्स लीग’चा भव्य शुभारंभ

मुलाने काय सांगितले?

रविवारी विनोद यांचा मुलगा कार्तिक आपल्या काकांसोबत पोलीस ठाण्यात पोहोचला. कार्तिकचा आरोप आहे की, त्याची आई वारंवार दिल्लीतून घरातील पैसे आणि दागिने घेऊन कानपूरला पळून येत असे. 2 एप्रिल रोजी देखील तिने असेच केले आणि दोन मुलांसह माहेरी निघून आली. वडील त्यांना घेण्यासाठी कानपूरला आले होते, परंतु आईने सोबत जाण्यास नकार दिला आणि सासरच्यांनी त्यांचा अपमान केला. कार्तिकच्या म्हणण्यानुसार, याच अपमानामुळे वडिलांनी आपले जीवन संपवले.

हे ही वाचा : '..तर काँग्रेस पुन्हा इतिहास जीवंत करु शकेल' थलपती विजयच्या वडिलांची काँग्रेसला साद, नेमकं काय म्हणाले?

आरोपींवर कडक कारवाईची मागणी

आश्चर्याची बाब म्हणजे, विनोद यांच्या मृत्यूनंतर 2 तारखेला कनौजमध्ये त्यांच्यावर अंत्यसंस्कार करण्यात आले, मात्र त्यांची पत्नी किंवा सासरच्या बाजूचे कोणीही तिथे पोहोचले नाही. विनोद यांचे भाऊ राजेश मिश्रा यांचा दावा आहे की, त्यांच्या भावाने सासरच्या घराच्या आतच विष प्राशन केले आहे, कारण तिथे त्यांचा प्रचंड छळ केला जात होता. आता कुटुंबीयांनी पोलिसांकडे आरोपींवर कडक कारवाई करण्याची मागणी केली आहे.