मुंबईच्या महापौर रितू तावडेंसमोरच BMC चा अधिकारी थेट पडला मॅनहोलमध्ये.. Video प्रचंड व्हायरल
Video Viral: मुंबईत मान्सून सक्रिय होताच पावसामुळे निर्माण होणाऱ्या परिस्थितीची पाहणी करण्यासाठी महापौर रितू तावडे आणि BMC अधिकारी आले होते. मात्र पाहणीदरम्यान महापौरांसमोरच एक BMC अधिकारी उघड्या मॅनहोलमध्ये पडला ज्याचा व्हिडिओ व्हायरल होत होता.
ADVERTISEMENT
मुंबई: मुंबईत मान्सून सक्रिय होताच मुसळधार पावसामुळे अनेक भागांमध्ये पाणी साचणे, वाहतूक कोंडी आणि नागरिकांच्या हालअपेष्टा वाढल्याचे चित्र पाहायला मिळत आहे. अशा परिस्थितीत शहरातील पावसामुळे निर्माण झालेल्या परिस्थितीची पाहणी करण्यासाठी मुंबईच्या महापौर रितू तावडे (Ritu Tawade)आणि BMC अधिकारी विविध भागांत दौरा करत होते. मात्र, या पाहणीदरम्यान घडलेल्या एका धक्कादायक घटनेने संपूर्ण शहराचे लक्ष वेधून घेतले आहे.
गांधी मार्केट परिसरातील पाणी साचलेल्या भागांची पाहणी सुरू असताना महापौरांच्या उपस्थितीतच BMC चा एक कर्मचारी अचानक उघड्या मॅनहोलमध्ये पडला. ही संपूर्ण घटना कॅमेऱ्यात कैद झाली असून त्याचा व्हिडिओ सोशल मीडियावर मोठ्या प्रमाणात व्हायरल होत आहे.
नेमकी घटना काय घडली?
बुधवारी सकाळी मुसळधार पावसानंतर दादर, हिंदमाता, गांधी मार्केट आणि इतर पूरग्रस्त भागांची पाहणी करण्यासाठी महापौर रितू तावडे घटनास्थळी पोहोचल्या होत्या. यावेळी ड्रेनेज व्यवस्थेची पाहणी सुरू असताना BMC चा एक अधिकारीच उघड्या नाल्याजवळ अचानक त्याचा तोल गेला आणि तो थेट मॅनहोलमध्ये कोसळला.
हे ही वाचा>> Monsoon Update: अखेर ‘तो’ आला... मुंबईकर सुखावले, कुठे रेड आणि ऑरेंज अलर्ट?
घटना घडताच तेथे उपस्थित अधिकारी, कर्मचारी आणि पोलिसांनी तातडीने धाव घेत अधिकाऱ्याला बाहेर काढले. सुदैवाने या घटनेत कोणतीही गंभीर दुखापत झाली नसल्याची माहिती समोर आली आहे.
