होणाऱ्या जावयाशी केली कट्टर दुश्मनी! लग्नाच्या भीतीपोटी अख्ख्या कुटुंबानं घरच्या पोरीला संपवलं, नंतर घडलं..

मिळालेल्या माहितीनुसार, हे प्रकरण बडौत कोतवाली भागातील लुहारी गावातील आहे. आरोपी संजीव उर्फ संजूने पोलिसांना सांगितलं की, शिवानीने मंगळवारच्या रात्री कुटुंबाला स्पष्ट सांगितलं की, ती कोर्ट मॅरेज करणार आहे. त्यानंतर कुटुंबातील लोकांना प्रचंड राग आला आणि त्यांनी शिवानीला मारहाण केली. तिचे वडील, आई आणि भाऊ रवी, आत्याच्या मुलीनं मिळून शिवानीचा गळा दाबून हत्या केली. या हत्येनंतर कुटुंबियांनी तिचा मृतदेह रात्रीतून जाळून टाकला. अस्थी यमुना नदीत फेकल्या, जेणेकरून कोणाला पुरावा सापडणार नाही.

हे ही वाचा >> वहिनी झाली दिरावर फिदा, प्रेमाने बोलावलं बेडरूममध्ये.. म्हणाली, 'ऐक ना माझ्या नवऱ्याला ना...'

रात्री जाळला मृतदेह, राख यमुना नदीत फेकली

हत्येनंतर आरोपींनी शिवानीचा मृतदेह घराच्या बाहेर दूर ठिकाणी जाळला. त्यानंतर सर्व अवशेष युमना नदीत फेकले. हत्येत सामील असलेला भाऊ रवी आणि आत्याची मुलगी घटना घडल्यापासून फरार आहे. तर वडील संजीव आणि आई बबीताला पोलिसांनी अटक केली आहे. पोलिसांचं म्हणणं आहे की, हत्येचा कट रचून शिवानीला मारण्यात आलं.

प्रियकर अंकितने केला खुलासा

बुधवारी सकाळी शिवानीचा प्रियकर अंकितने शिवानी गायब झाल्याची माहिती दिली. हत्येचा संशय आल्यानंतर त्याने पोलिसांना कळवलं. पोलिसांनी तातडीनं याप्रकरणी तपास सुरु केला. जेव्हा शिवानीच्या कुटुंबियांकडे तपास करण्यात आला, तेव्हा त्यांनी गुन्हा कबूल केला. पोलिसांनी अंकितच्या तक्रारीनुसार गुन्हा दाखल केला आहे आणि फरार आरोपींचा शोध सुरु आहे.