प्रायव्हेट पार्टमध्ये कापडाचे तुकडे आढळले, बॉयफ्रेंडसोबत राहात असलेल्या मानसीची क्रूरतेने हत्या, 6 महिन्यांपूर्वीच..
Crime News : सहा महिन्यांपूर्वी मानसी माहेरी एका कार्यक्रमासाठी आली असताना ती संधी साधून घरच्यांना न सांगता मनीषसोबत पळून गेली. धर्मवीर यांनी तात्काळ बिधानू पोलिस ठाण्यात मुलीची हरविल्याची नोंद केली.
ADVERTISEMENT
बातम्या हायलाइट
प्रायव्हेट पार्टमध्ये कापडाचे तुकडे आढळले,
बॉयफ्रेंडसोबत राहात असलेल्या मानसीची क्रूरतेने हत्या
Crime News : कानपूरमधील बिधानू पोलिस ठाण्याच्या हद्दीत असलेल्या जगदीशपूर गावात 21 वर्षीय मानसीच्या रहस्यमय आणि वेदनादायी मृत्यूने परिसरात खळबळ उडाली आहे. मानसी विवाहित होती, मात्र गेल्या सहा महिन्यांपासून ती तिच्या प्रियकर मनीष यादवसोबत राहत होती. तिच्या मृत्यूनंतर कुटुंबीयांनी मनीषवर गंभीर आरोप केले असून, त्यांनी सांगितले की मनीषने प्रथम मानसीवर जबरदस्ती बलात्कार केला आणि नंतर तिच्या गुप्तांगात कापडाचे तुकडे कोंबले. या अमानुष अत्याचारामुळे हतबल होऊन मानसीने सल्फासचे सेवन केले, अशी माहिती तिच्या कुटुंबीयांनी दिली. तिचे वडील धर्मवीर यांनी मनीष यादवविरुद्ध गुन्हा दाखल केला असून आरोपी अद्याप फरार आहे. पोलिसांनी त्याच्या शोधासाठी विशेष पथके तयार केली आहेत.
माहेरी सुरु असलेल्या कार्यक्रमातून प्रियकरासोबत फरार
मिळालेल्या माहितीनुसार, मझावन येथे राहणाऱ्या मजूर धर्मवीर यांची मुलगी म्हणजेच मानसीचं लग्न तीन वर्षांपूर्वी कानपूर देहातमधील एका गावात झाले होते. सुमारे नऊ महिन्यांपूर्वी सोशल मीडियावर तिची ओळख जगदीशपूर येथील मनीष यादवशी झाली. हळूहळू दोघांमध्ये मैत्री वाढली आणि प्रेमसंबंध निर्माण झाले. सहा महिन्यांपूर्वी मानसी माहेरी एका कार्यक्रमासाठी आली असताना ती संधी साधून घरच्यांना न सांगता मनीषसोबत पळून गेली. धर्मवीर यांनी तात्काळ बिधानू पोलिस ठाण्यात मुलीची हरविल्याची नोंद केली. जवळपास दहा दिवसांनी मानसी स्वतः पोलिस ठाण्यात आली आणि तिने आपल्या इच्छेनुसार मनीषसोबत राहण्याचा निर्णय घेतल्याचे सांगितले. त्यानंतर तिचा घरच्यांशी संपर्क जवळपास तुटला होता.
मंगळवारी उशिरा कुटुंबीयांना एका पोलिसाकडून फोन आला की मानसीची तब्येत गंभीर असून तिला हॅलट रुग्णालयात दाखल केले आहे. आई नीलम, वडील धर्मवीर आणि नातेवाईक तातडीने कानपुरात पोहोचले. मात्र रुग्णालयात मानसी जिवंत सापडली नाही. तिथे तिचा मृतदेह मिळाल्यानंतर आई-वडील कोसळले.
हेही वाचा : दिराचा वहिनीसोबत झाला वाद! पण, पुतण्या अन् पुतणीवर राग निघाला अन्... रागाच्या भरात दिराचं भयंकर कृत्य
हे वाचलं का?
