Mumbai Crime : अंधेरीत भाडेकरूमुळे घरमालकाने घेतला गळफास, प्रकरण काय?

आत्महत्या केलेल्या घरमालकाचे नाव राल्फ रोड्रिक्स असे आहे. तर भीमसेन गोकुळे असे भाडेकरूचे नाव आहे. रिनोल्डो रोड्रिक्स हे मयताचे चुलत भाऊ असून, त्यांनी पोलिसांत तक्रार दिली आहे.

समोर आलेल्या माहितीनुसार, रिनोल्डो रोड्रिक्स (वय 43) यांनी पोलिसांत तक्रार दिली. तक्रारीत म्हटल्याप्रमाणे राल्फ रोड्रिक्स यांनी पहिल्या मजल्यावरील घर जानेवारी 2021 मध्ये भीमसेन गोकुळे याला भाडे तत्त्वावर दिले होते. त्यानंतर राल्फ यांनी नोव्हेंबरमध्ये गोकुळेला घर खाली करण्यास सांगितले. मात्र, त्याने नकार दिला.

घर भाड्याने देणाऱ्या दलालाने केली हेराफेरी

पोलिसांनी दिलेल्या माहितीनुसार दलाल कॅमील घोन्साळवीस, इम्तियाज शेख, सुरेंद्र चौहान, नीलेश निकाळजे आणि अलेक्स व्हॅलेंटाईन एंथनी डिसुजा यांनी खोटा भाडेकरार तयार केला. त्याचबरोबर गोकुळे दाम्पत्याला हेवी डिपॉझिटवर भाड्याने घर दिले.