Mumbai Crime: संशयाचं भूत डोक्यात घुसलं अन् बायकोच्या मानलेल्या भावाचे केले पाच तुकडे

मुंबईच्या चेंबूर (Chembur) परिसरात ही घटना घडली आहे. या घटनेत मृत ईश्वर गायकवाडचे पालनपोषण आरोपीची बायको आणि तिचे वडील करायचे. मृत ईश्वर हा त्यांचा मुलगा नव्हता ते फक्त त्याची देखभाल करायचे. यामुळेच आरोपीची बायको ईश्वरला मानलेला भाऊ मानायची. या नात्याने ईश्वरचे आरोपीच्या घरी येणे जाणे असायचे.

हे ही वाचा : Crime: ‘मुलगा अशुभ होता, म्हणून…’, एका वर्षाच्या चिमुकल्याचा गळा घोटला

या दरम्यान आरोपीने ईश्वरची निर्घृण हत्या केली. या हत्येनंतर आरोपीने ईश्वरचे तुकडे तुकडे करून मृतदेह घरातच लपवून ठेवला होता. तब्बल दोन दिवस आरोपीने ही घटना लपवून ठेवली होती. या दरम्यान ईश्वरचा काहिच ठावठिकाणा लागत नसल्याने आरोपीच्या बायकोच्या वडीलांनी मुलीकडे येऊन विचारपूस केली होती.

वडिलांनी जावयाला विचारले, ईश्वर कुठे आहे? तो तुझ्यासोबत गेलेला? आरोपीने यावर मला नाही माहिती कुठे आहे, असे उत्तर दिले होते. तुला माहित नाही, मग कुणाला माहिती आहे? असा पुन्हा विचारले. या सर्व प्रकारानंतर आरोपीने सासऱ्यांना ईश्वरची हत्या केल्याची धक्कादायक माहिती दिली. त्यासोबत मृतदेह घरातच लपवून ठेवल्याचेही सांगितले.

या प्रकरणी पोलीस ठाण्यात तक्रार दाखल केल्यानंतर मुंबईच्या आरसीएफ पोलिसांनी शफीक अहमद विरूद्ध कलम 302 आणि 201 अंतर्गत तक्रार दाखल करून त्याला अटक केली. या अटकेनंतर पोलिसांनी मृतदेह ताब्यात घेऊन पोस्टमार्टमसाठी पाठवला आहे.

हे ही वाचा : मुंबई Tak Impact: गृह खात्याला हादरवणारा रिपोर्ट, थेट 7 पोलिसांवर ‘ही’ कारवाई

ईश्वर हा बायकोसोबत अश्लील कृत्य करायचा, तसेच तिच्यासोबत संबंध असल्याचा देखील आरोपीला शफीकला ईश्वरवर संशय होता. या संशयापायी शफीकने ईश्वरला समज देखील दिली होती. मात्र तरी त्याच्या वागण्यात सुधारणा न झाल्याने आरोपी शफीकने त्याची हत्या केली होती. या घटनेने सध्या मुंबई हादरली आहे.