WhatsApp वर ‘ते’ फोटो, लग्नाच्या दिवशीच नववधूने घेतला गळफास अन्…
Solapur Crime: एकतर्फी प्रेमातून एक तरुण सातत्याने त्रास देत असल्यामुळे एका तरुणीने लग्नाच्याच दिवशी गळफास घेऊन आत्महत्या केल्याची धक्कादायक घटना सोलापूरमध्ये घडली आहे.
ADVERTISEMENT
Solapur Young Lady Suicide: विजयकुमार बाबर, सोलापूर: सोलापूर शहर परिसरात नववधूने लग्नाच्या दिवशीच राहत्या घरी गळफास घेऊन आत्महत्या केल्याची अत्यंत धक्कादायक घटना घडली आहे. सालेहा महिबूब शेख (वय 25 वर्ष) असे नववधूचे नाव आहे. एकतर्फी प्रेम प्रकरणातून प्रियकराने मित्रांसोबत घेत भयंकर त्रास दिला असल्याची माहिती नववधूचे वडील महिबूब शेख यांनी दिली आहे. प्रियकराने मित्रांना सोबत घेत सालेहाचे लग्न तोडण्याची धमकी दिली होती. (shocking incident in solapur where a young lady committed suicide on her wedding day due to constant harassment by a young man due to one sided love)
सालेहा शेख हिने विजापूर नाका पोलीस ठाण्यात जाऊन तक्रार दिली होती. एकतर्फी प्रेम प्रकरणात त्रास होत असल्याची लेखी तक्रारही तिने दाखल केली होती. तीन संशयितांचे नावे देखील तिने लेखी तक्रारीत नमूद केली होती.
प्रियकराचा त्रास दिवसेंदिवस वाढत चालला होता. प्रियकराने नववधूच्या होण्याऱ्या पतीला देखील फोन करून धमकी दिली होती. तसेच अश्लील फोटो WhatsApp च्या माध्यमातून वधूच्या पतीला पाठवले होते. अखेर सालेहा शेख हिने लग्नाच्या दिवशीच टोकाचे पाऊल उचलले आणि राहत्या घरात सोमवारी पहाटेच्या सुमारास गळफास घेऊन आत्महत्या केली.
हे ही वाचा>> गोळ्या झाडून डोळे काढले, नंतर प्रायव्हेट पार्टमध्ये…, पुजाऱ्याची केली क्रूर हत्या
सालेहाचे लग्न असल्याने सर्व पाहुणे मंडळी घरात होती. रविवारी रात्री सालेहा शेख हिला हळद लावण्यात आलेली होती. पण त्याच दिवशी हळद लागलेली नववधू गळफास घेतलेल्या अवस्थेत पाहून घरातील पाहुण्यांना, नातेवाईकांना आणि आई-वडिलांना जबर धक्का बसला.
हे वाचलं का?
