अफेअर सुरु असताना लग्न केलं, इंजिनिअरकडून लग्नाच्या 4 महिन्यानंतर पत्नीची हत्या

Crime News : अमेरिकेतील वॉशिंग्टन राज्यातील बेलव्ह्यू येथील 27 वर्षीय राजिता सब्बिनेनी हिच्या संशयास्पद मृत्यूच्या प्रकरणाने धक्कादायक वळण घेतले आहे. सुरुवातीला हा नैसर्गिक मृत्यू असल्याचे सांगितले जात होते. मात्र शवविच्छेदन अहवालानंतर हे प्रकरण कथित हत्येचे असल्याचे समोर आले. या प्रकरणात तेलंगणातील 30 वर्षीय सॉफ्टवेअर इंजिनिअर अविनाश नार्ने याला पत्नीचा गळा आवळून हत्या केल्याच्या आरोपाखाली अमेरिकन अधिकाऱ्यांनी अटक केली आहे. अविनाश आणि राजिता यांचा विवाह 5 जून 2025 रोजी झाला होता. विवाहानंतर राजिता टेक्सासमधून सिएटल परिसरात वैवाहिक आयुष्य सुरू करण्यासाठी आली होती. मात्र लग्नाच्या अवघ्या चार महिन्यांतच तिचा मृत्यू झाल्याने हे प्रकरण आता गंभीर स्वरूपाचे बनले आहे.