रत्नागिरी : माजी सभापती स्वप्नाली सावंत यांची पतीनेच केली हत्या; बंगल्यामागेच जाळला मृतदेह

बेपत्ता झाल्यानंतर पोलीस शोध घेत असलेल्या रत्नागिरी पंचायत समितीच्या माजी सभापती स्वप्नाली सावंत यांची हत्या झाल्याचं समोर आलं. पती तथा शिवसेनेचा उपतालुकाप्रमुख सुकांत ऊर्फ भाई सावंत याने हत्या करून मृतदेह जाळून टाकल्याची माहिती समोर आल्यानंतर खळबळ उडाली आहे.

स्वप्नाली सावंत यांची हत्या केल्याची कबुली पती सुकांत सावंत याने दिली असून, पोलिसांनी पती सुकांत सावंतसह त्याला मदत करणारे त्याचा चुलत भाऊ, एक कामगार अशा तिघांना रविवारी अटक केली.

सुकांत सावंतसह आरोपींविरुद्ध त्यांच्या भादंवि कलम ३०२,२०१, १२० (ब) नुसार गुन्हा दाखल करण्यात आला आहे. अटक केलेल्या तिघांना १९ सप्टेंबर पोलीस कोठडीत ठेवण्याचे आदेश न्यायालयाने दिले आहेत.