Tillu tajpuriya : 92 वार, शरीराची चाळणी अन् रक्ताचं थारोळ! पोलिसांसमोरच घेतला जीव

तिहार तुरुंगात 2 मे रोजी टिल्लू ताजपुरियाची हत्या करण्यात आली. गँगस्टर टिल्लूवर गोगी गँगमधील 8 गुंडांनी धारदार शस्त्रांनी हल्ला केला. गुंडांनी टिल्लू ताजपुरियावर 92 वार केले. टिल्लूवर करण्यात आलेल्या हल्ल्याचे दोन वेगवेगळे सीसीटीव्ही फूटेज समोर आले आहेत.

टिल्लू ताजापुरिया हत्या : तिहार तुरुंगातील पहिल्या व्हिडीओत काय?

तिहार तुरुंगात झालेल्या हत्याकांडानंतर दोन व्हिडीओ समोर आले असून, सोशल मीडियावरही व्हायरल झाले आहेत. यात पहिल्या व्हिडीओमध्ये गोगी गँगचे गुंड कसे टिल्लू ताजपुरियापर्यंत पोहोचतात. त्यानंतर सगळ्यांनी मिळून टिल्लूवर धारदार शस्त्रांनी हल्ला केला. हे सगळं सीसीटीव्हीमध्ये कैद झालं आहे.

हेही वाचा >> शरद पवारांच्या ‘हनुमंती’ डावाने अजितदादांचा केला ‘करेक्ट कार्यक्रम?’

⚠️Viewers Discretion Advised.

A shocking CCTV footage from inside of Tihar Jail where Gangster Tillu Tajpuriya killed by rival gang members
(1/2).#TiharJail #TilluTajpuriya #DelhiPolice #TheKashmirFiles pic.twitter.com/V4HVLpK7Z3

— India Insight (@SwapnilDm2) May 6, 2023

व्हिडीओमध्ये स्पष्टपणे दिसत आहे की, हल्लेखोर चादरी अंगावर घेऊन बरॅकपर्यंत पोहोचले. टिल्लू लाल रंगाचा टी शर्ट घातलेला आहे. त्याला हल्ल्याची कल्पना येताच, तो पळण्याचा प्रयत्न करतो. त्यानंतर सगळे हल्लेखोर त्यांच्या पाठिमागे धावतात आणि वार करतात. त्यानंतर आळीपाळीने सगळे धार शस्त्रांनी वार करतात.

हेही वाचा >> शिर्डी हादरलं! सख्ख्या भावानेच केली अल्पवयीन बहिणीची निर्घृण हत्या

चेहरा, मान आणि पाठीवर वार…

हल्लेखोरांनी टिल्लूच्या चेहऱ्यावर, मानेवर आणि पाठीवर वार केले. त्याचदरम्यान टिल्लूला वाचवण्यासाठी समोर आलेल्या कैद्यांना भीती दाखवण्याच्या प्रयत्न गोगी गँगमधील काही गुंड करत आहेत.

Part: 2 : More Shocking, Gangster Tillu Tajpuriya killed in police presence, Just imagine that two ministers of the Delhi government are also in this most secure Tihar jail.#Tillu_Tajpuria #Tihad_Jail

pic.twitter.com/V74wRHz0zO

— Amit Sahu🇮🇳 (@amitsahujourno) May 5, 2023

तिहार तुरुंगातील दुसऱ्या व्हिडीओत काय?

दुसऱ्या व्हिडीओमध्ये दिसत आहे की, तुरुंगातील कर्मचारी खूप उशिराने घटनास्थळी पोहोचतात. घायाळ अवस्थेत पडलेल्या टिल्लूला बाहेर घेऊन येतात. त्यानंतर हल्लेखोर पुन्हा पोलिसांच्या समोरच त्याच्यावर हल्ला करतात. पोलिसांच्या समोरच गुंडांनी टिल्लू ताजपुरियाची हत्या केल्यानं मोठी खळबळ उडाली आहे. हा सगळा प्रकार पोलीस फक्त बघत आहेत.