अकोला हादरला! चौथीतील 4 विद्यार्थिनींवर शिक्षकच दररोज करायचे लैंगिक अत्याचार
अकोला जिल्ह्यातील बार्शी टाकळी तालुक्यातील जिल्हा परिषद शाळेतील दोन शिक्षकांनी चार विद्यार्थिनींवर सतत बलात्कार केल्याची घटना घडली आहे.
ADVERTISEMENT
चौथ्या वर्गात शिक्षण घेणाऱ्या चार विद्यार्थिनींवर दोन शिक्षकांनी बलात्कार केल्याच्या प्रकरणाने अकोला जिल्ह्यात खळबळ माजली आहे. गुरू शिष्याच्या नात्याला काळीमा फासणाऱ्या या शिक्षकांविरुद्ध पोलिसांनी गुन्हा दाखल केला आहे. 4 एप्रिल रोजी विद्यार्थ्यीनींनी होत असलेल्या लैंगिक शोषणाबद्दल मौन सोडलं आणि त्यानंतर हा प्रकार समोर आला.
पोलिसांनी दिलेल्या माहितीनुसार बार्शी टाकळी तालुक्यात ही घटना घडली आहे. तालुक्यातील एका गावात जिल्हा परिषद शाळा असून, याच शाळेत हा धक्कादायक आणि चीड आणणारा प्रकार घडला आहे.
चार मुलींवर दोन शिक्षकांकडून लैंगिक अत्याचार प्रकरण काय?
बार्शी टाकळी तालुक्यात एका गावात घडलेल्या प्रकाराबद्दल मिळालेली माहिती अशी की, चौथ्या वर्गात शिकत असलेल्या चार विद्यार्थीनींवर शाळेत कार्यरत असलेले दोन शिक्षक अश्लील चाळे करत होते. दरम्यान, मुली एकट्या असल्याचं पाहून दोन्ही शिक्षकांनी मुलींवर लैंगिक अत्याचार केले. शिक्षकांकडून वारंवार विद्यार्थिनींवर अत्याचार करण्यात येत होते.
भेदरलेल्या मुलींनी शाळेत जाणे सोडले अन्…
ज्ञानाचे धडे देणाऱ्या शिक्षकच नराधमाप्रमाणे कृत्य करत असल्याने चारही विद्यार्थिनींनी भेदरून गेल्या. शिक्षकांकडून केले जाणारे अश्लील चाळे आणि लैंगिक छळाला कंटाळून त्यांनी शाळेत जाणे बंद केले. मुलींनी शाळेत जाणे बंद केल्याने त्यांच्या पालकांनी त्यांच्याकडे विचारणा केली.
हे वाचलं का?
