दोघांचंही तिसरं लग्न

मृतक हृदेश तिवारी यांची मुलगी सोनम हिने यासंबंधी पोलिसांत तक्रार दिली. यानंतर या भयानक हत्याकांडाचा उलगडा झाला आहे. सोनमच्या माहितीनुसार, तिच्या सख्ख्या आईचे 2023 मध्ये निधन झाले होते. त्यानंतर ऑक्टोबर 2024 मध्ये तिचे वडील हृदेश यांनी रानू नावाच्या महिलेशी नोंदणीकृत (कोर्ट) विवाह केला होता. रानूचेही हे तिसरे लग्न होते; तिच्या पहिल्या पतीचा मृत्यू झाला होता, तर दुसरा पती तिला सोडून गेला होता.

हे ही वाचा : राजीनामा होताच दीपकेंच्या वडिलांना अश्रू अनावर, प्रधान यांचं नाव घेत थेट...

मालमत्तेसाठी दबाव

लग्नानंतर लगेचच रानूने हृदेश यांना ब्लॅकमेल करण्यास सुरुवात केली होती आणि ती सतत पैसे व मालमत्ता स्वतःच्या नावावर करण्यासाठी त्यांच्यावर दबाव आणत होती. रानूच्या या त्रासाला आणि दबावाला कंटाळून हृदेश तिवारी तिला जागेचा प्लॉट देण्यास तयार झाले होते. गुरुवारी (23 जुलै) या प्लॉटची खरेदी-विक्रीची नोंदणी (रजिस्ट्री) होणार होती आणि नेमक्या याच दिवशी ही क्रूर घटना घडवण्यात आली. 

हे ही वाचा : 'युवाशक्तीच्या एकजुटीचा मोठा विजय', प्रधानांच्या राजीनाम्यानंतर शरद पवारांचं ट्विट

बाथरुममध्ये गेले असता आग लावली

दुपारी हृदेश हे बाथरूममध्ये गेले असताना, सावत्र आई रानू आणि तिच्या माहेरच्या नातेवाइकांनी त्यांच्यावर ज्वलनशील पदार्थ ओतून आग लावली. शेजाऱ्यांनी हृदेश यांना जळताना पाहिल्यानंतर, आरोपी रानूने स्वतःचा बचाव करण्यासाठी आग विझवण्याचे नाटक केले; यात तीही किरकोळ भाजली असून सध्या तिच्यावर जिल्हा रुग्णालयात उपचार सुरू आहेत. कोतवाली प्रभारी चंद्रकांत यांनी दिलेल्या माहितीनुसार, मुलगी सोनमच्या अर्जावरून आरोपी सावत्र आई रानूविरुद्ध संबंधित कलमांनुसार गुन्हा दाखल करण्यात आला असून, पोलीस या प्रकरणाचा सखोल तपास करत आहेत आणि जखमी आरोपी महिलेला पोलीस कोठडीत उपचारासाठी ठेवण्यात आले आहे.