"तुझं पार्सल माघारी बीडला...", राम सातपुतेंना धैर्यशील मोहिते पाटलांचा थेट इशारा
Dhairyashil Mohite Patil on Ram Satpute : राम सातपुते यांना सोलापूर लोकसभा मतदारसंघातील निवडणूक जाणार, असंच दिसतंय. धैर्यशील मोहिते पाटील यांच्या राष्ट्रवादी काँग्रेसमधील प्रवेशाने यावर शिक्कामोर्तब झाले आहे.
ADVERTISEMENT
बातम्या हायलाइट
सोलापूर लोकसभा निवडणूक राम सातपुते यांना जाणार जड
धैर्यशील मोहिते पाटील यांनी राम सातपुतेंना दिला इशारा
माढा आणि सोलापूर लोकसभा निवडणूक होणार रंगतदार
Dhairyashil Mohite Patil on Ram Satpute : (नितीन शिंदे, अकलूज) राष्ट्रवादी काँग्रेस शरदचंद्र पवार पक्षात प्रवेश करताना धैर्यशील मोहिते पाटील यांनी माळशिरसचे आमदार आणि सोलापूर लोकसभा मतदारसंघातील भाजपचे उमेदवार राम सातपुते यांना थेट इशारा दिला. पार्सल बीडला पाठवायचं, असे म्हणत धैर्यशील पाटलांनी सातपुतेंविरोधात दंड थोपटले आहेत.
माढा लोकसभा मतदारसंघातून धैर्यशील मोहिते पाटील यांना राष्ट्रवादी काँग्रेस शरदचंद्र पवार पक्षाने उमेदवारी जाहीर केली. त्यापूर्वी त्यांनी अकलूज येथील शिवरत्न बंगल्याच्या परिसरात जयंत पाटील यांच्या उपस्थितीत पक्षात प्रवेश केला.
धैर्यशील मोहिते पाटलांचा राम सातपुतेंना इशारा काय?
यावेळी बोलताना धैर्यशील मोहिते पाटलांनी माळशिरसचे विद्यमान आमदार आणि सोलापूरमधून लोकसभा निवडणूक लढवत असलेले राम सातपुते यांना नाव न घेता इशारा दिला. ते काय म्हणाले वाचा...
हेही वाचा >> भाजपला 14 ते 17 जागा; 'मविआ'ला किती? महायुतीला टेन्शन देणारा पोल
भाषणाचा शेवट करताना धैर्यशील मोहिते पाटील म्हणाले, "फक्त एका माणसाला मला आज उत्तर द्यायचं आहे. एका माणसाला (राम सातपुते यांचा उल्लेख टाळला)... आपण त्याला निवडून दिलंय इथून. त्याने मांडव्यात एक प्रश्न विचारला. मांडव्यात म्हणाला 70-75 वर्षात काय विकास झाला, तो मी फक्त अडीच वर्षात केला."
हे वाचलं का?
