Lok Sabha Elections 2024 : शरद पवारांचा महादेव जानकरांनी केला 'गेम'! महायुतीत मोठी घडामोड
Mahadev Jankar Latest news : राष्ट्रीय समाज पक्षाचे नेते महादेव जानकर यांनी महायुतीसोबतच राहण्याची भूमिका घेतली आहे. त्यांना एक जागा दिली जाणार आहे.
ADVERTISEMENT
बातम्या हायलाइट
महादेव जानकर यांचा यु टर्न
राष्ट्रीय समाज पक्ष महायुतीसोबतच राहणार
बारामती मतदारसंघातील समीकरणे बदलणार
Mahadev Jankar Lok Sabha elections 2024 : (दिपेश त्रिपाठी, मुंबई) शरद पवारांना महायुतीने जोरदार झटका दिला. राष्ट्रीय समाज पक्षाचे नेते महादेव जानकर यांना आपल्याकडे वळवण्याचे प्रयत्न पवारांकडून सुरू असताना आज महायुतीने डाव उलटवला. महादेव जानकर यांना एक जागा देण्यात आले असून, ते महायुतीमध्येच राहणार हे स्पष्ट झाले आहे. (Mahayuti Allocates one seat to Mahadev Jankar party in lok sabha election 2024)
महादेव जानकर यांची मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार, आमदार सुनील तटकरे, आमदार प्रसाद लाड यांच्या उपस्थिती बैठक झाली. या बैठकीत एक जागा देण्याचा निर्णय झाला. त्यानंतर सुनील तटकरे यांनी याची माध्यमांना माहिती दिली.
डाव फिरला... सुनील तटकरे काय बोलले?
"राष्ट्रीय समाज पक्षाचे अध्यक्ष महादेव जानकर यांची एकनाथ शिंदे, देवेंद्र फडणवीस, अजित पवार यांच्यासोबत बैठक झाली. याबैठकीत सविस्तर चर्चा केली. जानकर यांनी महायुतीमध्ये राहणार असल्याचा निर्वाळा त्यांनी दिला. महायुतीची एक जागा देण्याचा निर्णय घेतला आहे."
महादेव जानकरांच्या बदलेल्या भूमिकेचे परिणाम काय? बघा हा व्हिडीओ
"महायुतीचे जागावाटप होईल त्यावेळी त्यांना कुठला मतदारसंघ देण्यात आला आहे, ते जाहीर केले जाईल. महादेव जानकर यांच्यामुळे महायुती अधिक बळकट होईल. ४५ पेक्षा जास्त जागांचे उद्दिष्ट आहे. त्याला ताकद मिळेल."
हे वाचलं का?
