Uddhav Thackeray : "...त्यावेळी हुकुमशाहाचा अंत होतो", ठाकरेंचा थेट मोदींवर 'वार'

उद्धव ठाकरे यांचे संपूर्ण भाषण

ठाकरे म्हणाले, "भाजप हा एक फुगा आहे. आणि मला वाईट एका गोष्टीचे वाटत की, या फुग्यात हवा भरण्याचे काम आम्हीच केले होते. संपूर्ण देशात यांचे दोन खासदार होते. या फुग्यामध्ये आम्ही हवा भरली आणि त्यांच्या आता डोक्यामध्ये हवा गेली आहे. काय त्यांची स्वप्ने?" 

"मला सुद्धा विचारतात की, तुमच्या किती सीट येतील. त्यांना (भाजप) विचारल्यावर ते म्हणतात, ४०० पार. काय फर्निचरचे दुकान आहे का? खुर्च्या बनवताहेत... चारशे पार म्हणजे काय फर्निचरचे दुकान आहे का? पण, ही लढाई... आज देशभरातून महत्त्वाचे नेते इथे आले आहेत." 

आम्ही हुकुमशाहाच्या विरोधात -ठाकरे

"ही परिस्थिती फक्त महाराष्ट्रात नाहीये. कश्मीरपासून ते कन्याकुमारीपर्यंत सारखीच आहे. ज्यावेळी इंडिया आघाडीची बैठक घेतली. त्यावेळी मोदींनी सांगितले होते की ही विरोधी पक्षाची बैठक आहे. आम्ही विरोधी आहोत, पण आम्ही हुकुमशाहाच्या विरोधात आहोत."