Yavatmal washim : ठाकरेंनी जुना शिवसैनिक उतरवला मैदानात, कोण आहेत संजय देशमुख?
Who is Sanjay Deshmukh : उद्धव ठाकरे यांनी यवतमाळ वाशिम लोकसभा मतदारसंघातून संजय देशमुख यांना उमेदवारी जाहीर केली आहे.
ADVERTISEMENT
बातम्या हायलाइट
यवतमाळ वाशिममधून संजय देशमुख यांना उमेदवारी
उद्धव ठाकरेंनी जुन्या शिवसैनिकाला दिली संधी
संजय राठोडांना महायुतीकडून उतरवण्याची शक्यता
Yavatmal Washim Sanjay Deshmukh : विदर्भातील यवतमाळ वाशिम लोकसभा मतदारसंघातून उद्धव ठाकरेंनी शिवसेनेचा उमेदवार जाहीर केला. शिवसेनेने १७ उमेदवारांची यादी जाहीर केली. यात एक नाव आहे संजय देशमुख यांचे. ते नेमके कोण आहेत आणि यवतमाळ वाशिममध्ये त्यांची ताकद किती हेच समजून घ्या. (Who is Sanjay Deshmukh?)
यवतमाळ वाशिम... शिवसेनेचा बालेकिल्ला! पण, शिवसेनेत बंड झाले आणि हा मतदारसंघ एकनाथ शिंदेंकडे गेला. तो पुन्हा काबीज करण्यासाठी उद्धव ठाकरेंनी शिवसेनेतल्या फुटीपासूनच काम सुरू केले. त्याचबरोबर पूर्वीच्या शिवसैनिकाला पक्षात घेतले.
महायुतीचा उमेदवार ठरेना
या मतदारसंघातून सुरूवातीला भावना गवळींना तिकीट दिले जाईल, असे म्हटले जात होते; पण आता संजय राठोडांना तिकीट मिळू शकते. अशात संजय देशमुख हे महायुतीसमोर तगडं आव्हान असतील, असं म्हटलं जात आहे.
संजय देशमुख कोण आहेत?
मूळचे शिवसैनिक असलेल्या संजय देशमुख यांनी शिंदेंच्या बंडखोरीनंतर ठाकरेंच्या पक्षात प्रवेश केला. आधी दिग्रस तालुका प्रमुख म्हणून काम केल्यानंतर १९९८ मध्ये संजय राठोड यांच्यासोबत ते शिवसेनेचे जिल्हाप्रमुखही राहिले आहेत.
हे वाचलं का?
