Baramati Lok Sabha : अजित पवारांचा मतदारसंघच धोक्यात! बारामतीकरांचा 'मेसेज' काय?
Baramati Lok Sabha Result 2024 : बारामती विधानसभा मतदारसंघाचे अजित पवार आमदार आहेत. याच मतदारसंघातून सुप्रिया सुळे यांना मोठे सर्वाधिक मते मिळाली आहेत.
ADVERTISEMENT
Ajit pawar Baramati Lok Sabha Result 2024 : बारामती कुणाची, या प्रश्नाचे उत्तर मतदारांनी दिले. बारामती लोकसभा मतदारसंघाचा निकाल जाहीर झाला. शरद पवार यांच्या कन्या सुप्रिया सुळे 1 लाख 53 हजार 48 मताधिक्याने विजयी झाल्या. दुसरीकडे अजित पवारांच्या पत्नी सुनेत्रा पवार या मोठ्या फरकाने पराभव झाला. पण, निकालाने अजित पवारांची बारामतीतील जागाच धोक्यात आली आहे. विधानसभा निवडणूक अजित पवारांसाठी सोप्पी नसणार, असा मेसेज या निकालातून समोर आला आहे. बारामती लोकसभा मतदारसंघात काय घडलंय, हेच समजून घ्या.
बारामती लोकसभा मतदारसंघात खरी निवडणूक झाली ती शरद पवार आणि अजित पवार यांच्यात. महायुतीसोबत गेलेल्या अजित पवारांनी पत्नी सुनेत्रा पवार यांना सुप्रिया सुळे यांच्या विरोधात उमेदवारी दिली. बारामती जिंकण्यासाठी अजित पवार बारामतीत तळ ठोकून होते. पण, निकालाने अजित पवारांना झटका दिला.
बारामतीत शरद पवार ठरले वरचढ
अजित पवारांनी बारामती लोकसभा जिंकण्यासाठी ताकद लावली होती, पण निकाल विरोधात लागला. बारामतीवर अजूनही शरद पवारांचे वर्चस्व असल्याचे निकालातून सिद्ध झाले. महत्त्वाची गोष्ट म्हणजे बारामती विधानसभा मतदारसंघातील मतदानाचे जी आकडेवारी आहे, ती अजित पवारांना धक्का देणारी आहे.
अजित पवार लीड, पण सुनेत्रा पवारांना झटका
2019 मध्ये झालेल्या विधानसभा निवडणुकीत अजित पवार हे बारामती विधानसभा मतदारसंघातून विजयी झाले. त्यावेळी राष्ट्रवादी एकसंध होती. अजित पवार यांच्या विरोधात गोपीचंद पडळकर हे भाजपचे उमेदवार होते. त्या निवडणुकीत अजित पवारांनी गोपीचंद पडळकर यांचा तब्बल 1 लाख 65 हजार 365 मतांनी पराभव केला होता.
