Savarkar teaser : रणदीप हुड्डा ‘सावरकर’च्या भूमिकेत, टीझर बघून अंगावर येतील शहारे
सावरकरांच्या आयुष्यावरील स्वातंत्र्यवीर सावरकर चित्रपटाचा टीझर रिलीज झाला आहे. या चित्रपटात रणदीप हुड्डाने सावरकरांची भूमिका साकारली आहे.
ADVERTISEMENT
प्रदीर्घ प्रतिक्षेनंतर अखेर अभिनेता रणदीप हुड्डा याचा स्वातंत्र्य वीर सावरकर या चित्रपटाचा टीझर प्रदर्शित झाला आहे. हा चित्रपट विनायक दामोदर सावरकर उर्फ वीर सावरकर यांच्या जीवनावर आधारित आहे. सावरकरांच्या 140 व्या जयंतीदिनी आहे टीझर रिलीज करण्यात आला आहे. यानिमित्ताने चित्रपटाच्या निर्मात्यांनी चाहत्यांना चित्रपटाची पहिली झलक दाखवली आहे. हा टीझर पाहून तुमच्याही अंगावर शहारे येतील. (Swatantrya Veer Savarkar teaser Released)
‘स्वातंत्र्यवीर सावरकर’, रणदीप हुड्डा मुख्य भूमिकेत
टीझरची सुरुवात रणदीप हुड्डाने साकारलेल्या वीर सावरकरच्या भूमिकेपासून होते. तो चालताना दिसतो. त्यानंतर शहरभर आगीचे लोळ दिसून येतात. यानंतर रणदीप नदीत उडी मारताना दिसतो. आजूबाजूला आग लागलेली असताना ब्रिटिश राजवटीतील पोलिसांकडून माणसे मारली जात आहेत. यावेळी तुम्हाला सावरकर बनलेल्या रणदीपचा चेहरा पाहू शकत नाही, पण त्यांचा आवाज तुम्हाला ऐकू येतो.
हेही वाचा >> पुणे लोकसभा : राष्ट्रवादीला हवाय काँग्रेसचा मतदारसंघ, संजय राऊतांनी सुनावलं
सावरकर म्हणतात, “स्वातंत्र्य लढा 90 वर्षे चालला, पण ही लढाई काही मोजक्याच लोकांनी लढली. बाकी सगळे सत्तेचे भुकेले होते. गांधीजी वाईट नव्हते, पण जर ते त्यांच्या अहिंसक विचारावर अडकून राहिले नसते तर भारत 35 वर्षे आधीच स्वतंत्र झाला असता.” यानंतर रणदीप हुड्डा बेड्यांमध्ये बांधलेला तुमच्यासमोर येतो. तुम्हाला तो क्रांती करताना, इंग्रज पोलिसांचा मार खाताना, तुरुंगात हातकड्या बांधलेल्या अवस्थेत आणि लोकांमध्ये हार घातलेला दिसत आहे.
हे वाचलं का?
