Shiv Sena: ठाकरेंशी वैर घेऊन भाजपसोबत गेलेले शिंदे तहात फसले, 13 जागांवर सोडणार पाणी?
Shiv Sena Lok sabha Election 2024: एकनाथ शिंदे यांनी दोनच वर्षांपूर्वी शिवसेनेत एक मोठं बंड करून भाजपसोबत हातमिळवणी केली होती. मात्र, आता लोकसभा निवडणुकीत शिंदेंना मोठी तडजोड करावी लागण्याची शक्यता आहे.
ADVERTISEMENT
Eknath Shinde Amit Shah Lok Sabha Election 2024: मुंबई: मुख्यमंत्री एकनाथ शिंदे यांनी 2022 साली ज्या पद्धतीने शिवसेनेमध्ये बंड केलं होतं. त्याने संपूर्ण महाराष्ट्र हादरून गेलं होतं. कारण अत्यंत अनपेक्षितपणे शिंदेंनी ठाकरेंची साथ सोडून भाजपसोबत जाणं पसंत केलेलं. ज्या मोबदल्यात त्यांना महाराष्ट्राचं मुख्यमंत्री पदही मिळालं. मात्र, या सगळ्याला आता जवळजवळ दोन वर्ष होत आहेत. त्यानंतर आता भाजपने आपले पत्ते उघड करण्यास सुरुवात केली आहे. ज्याचा फटका थेट शिंदे आणि शिवसेनेला बसण्याची शक्यता आहे. (eknath shinde who went with bjp after enmity with thackeray was deceived in treaty shivsena will have to give 13 constituencies to bjp)
ठाकरेंशी वैर घेऊन भाजपसोबत गेलेले शिंदे हे आता तहात मात्र, पुरते फसले असल्याचं पाहायला मिळत आहे. कारण लोकसभा निवडणुकीत शिंदेंच्या शिवसेनेला भाजप केवळ 10 जागा देणार असल्याचं सूत्रांकडून समजतं आहे. ज्याचा सर्वाधिक फटका हा त्यांच्यासोबत आलेल्या खासदारांना बसू शकतो. त्यामुळे शिंदे आणि शिवसेनेच्या खासदार, पदाधिकारी आणि कार्यकर्त्यांची बरीच अडचण होण्याची शक्यता आहे.
हे ही वाचा>> Mahayuti : भाजप 32 जागा, पवारांना 3, तर शिंदेंना फक्त...; शाहांनी काय सांगितलं?
2019 लोकसभा निवडणुकीमध्ये भाजपने शिवसेनेसोबत युती केली होती. त्यावेळी शिवसेनेचे सर्वेसर्वा हे उद्धव ठाकरे होते. त्यावेळी भाजपने शिवसेनेपेक्षा केवळ दोन जागा जास्त लढवल्या होत्या. म्हणजे भाजपने 25 आणि शिवसेनेने 23 जागांवर आपले उमेदवार उभे केले होते.
हे वाचलं का?
ADVERTISEMENT
मात्र, आता महाराष्ट्रात भाजपला आपले अधिकाधिक खासदार निवडून आणायचे आहेत. त्यामुळे त्यांना राज्यात तब्बल 32 जागा हव्या आहेत. तर भाजप शिंदेंना फक्त 10 जागा देण्यास तयार आहे. तर 6 जागा या अजित पवार गटाला देणार असल्याचं समजतं आहे.
दरम्यान, कालच (5 मार्च) अमित शाह यांनी जाहीर सभेतूनच छत्रपती संभाजीनगरच्या जागेवर भाजपचा उमेदवार असेल अशी घोषणा करुन टाकली. खरं तर 2019 च्या जागा वाटपांमध्ये हा मतदारसंघ शिवसेनेकडे होता. पण आता त्या जागेवर भाजपचा डोळा आहे.
ADVERTISEMENT
याशिवाय आणखी धक्कादायक बाब म्हणजे.. भाजपने शिवसेनेला 2019 मध्ये मुंबईत तीन जागा दिल्या होत्या. मात्र, आता त्यासाठी भाजप तयार नाही. आगामी निवडणुकीत ते भाजपला केवळ एकच जागा देण्यास तयार असून पाच जागांवर स्वत:चे उमेदवार उभे करणार आहेत.
ADVERTISEMENT
शिवसेनेने लोकसभा निवडणूक 2019 मध्ये लढवलेल्या 'या' जागा, पाहा कोण होते उमेदवार
1. छ. संभाजीनगर (औरंगाबाद) - चंद्रकांत खैरे
2. बुलढाणा - प्रतापराव जाधव
3. रामटेक - कृपाल तुमाणे
4. अमरावती - आनंदराव अडसूळ
5. परभणी- संजय जाधव
6. मावळ - श्रीरंग बारणे
7. दक्षिण मुंबई - अरविंद सावंत
8. दक्षिण मध्य मुंबई - राहुल शेवाळे
9. उत्तर पश्चिम मुंबई - गजानन कीर्तीकर
10. ठाणे - राजन विचारे
11. कल्याण - श्रीकांत शिंदे
12. सिंधुदुर्ग-रत्नागिरी - विनायक राऊत
13. सातारा - नरेंद्र पाटील
14. पालघर - राजेंद्र गावित
15. कोल्हापूर - संजय मंडलिक
16. हातकणंगले - धैर्यशील माने
17. नाशिक - हेमंत गोडसे
18. शिर्डी - सदाशिव लोखंडे
19. शिरूर- शिवाजीराव आढळराव-पाटील
20. उस्मानाबाद - ओमराजे निंबाळकर
21. हिंगोली - हेमंत पाटील
22. यवतमाळ - भावना गवळी
23. रायगड - अनंत गीते
आता याच 23 जागांपैकी अवघ्या 10 जागा या शिंदेंच्या शिवसेनेला मिळू शकतात. तसा प्रस्तावच भाजपने दिला आहे. त्यामुळे कधी काळी 23 जागांवर निवडणूक लढवलेली शिवसेना अवघ्या 10 जागांवर निवडणूक लढवण्यास तयार होईल का? हे पाहणं महत्त्वाचं ठरणार आहे.
हे ही वाचा>> उद्धव ठाकरेंवर भडकले बावनकुळे; म्हणाले, "तुम्ही मिंधे..."
मात्र, सध्याची राजकीय परिस्थिती पाहता शिवसेनेचे मुख्य नेते एकनाथ शिंदे हे आताच्या घडीला भाजपसोबतच्या तहात चांगलेच फसल्याचं चित्र दिसतं आहे.
ADVERTISEMENT