Sanjay Raut : "सदा खोतच्या बापानेच...", शरद पवारांवरील टीकेनंतर राऊत भडकले, हसण्यावरुन फडणवीसांवरही बरसले
सदाभाऊ खोत यांनी देवेंद्र फडणवीस यांचं कौतुक करत विरोधकांवरही निशाणा साधला. यावेळी त्यांनी शरद पवार यांच्यावर टीका केली होती.
ADVERTISEMENT
बातम्या हायलाइट
संजय राऊत सदाभाऊ खोत यांच्यावर बरसले
देवेंद्र फडणवीस, गोपीचंद पडळकरांवरही निशाणा
संजय राऊत यांनी थेट बाप काढला
Sanjay Raut मुंबई : सांगलीमध्ये गोपीचंद पडळकर यांच्या सभेत बोलताना सदाभाऊ खोत यांनी शरद पवार यांच्यावर टीका केली. शरद पवार वारंवार म्हणत असतात त्यांना महाराष्ट्राचा चेहरा बदलायचाय, तर त्यांना महाराष्ट्राचा चेहरा त्यांच्यासारखा करायचाय का? अशी टीका सदाभाऊ खोत यांनी केली होती. या टीकेनंतर आता संजय राऊत यांनी सदाभाोऊ खोत, संजय राऊत आणि देवेंद्र फडणवीस या सर्वांवरच हल्लाबोल केला आहे. सदाभाऊ खोत यांनी केलेली टीका केली, त्यावर देवेंद्र फडणवीस फिदीफिदी हसले असं म्हणत राऊत यांनी संताप व्यक्त केलाय. (sanjay raut angry on sadabhau khot gopichand padalkar and devendra fadnavis)
संजय राऊत काय म्हणाले?
हे ही वाचा >> Supriya Sule : "फडणवीसांवर केस व्हावी, त्यांनी राजीनामा द्यावा"; अजितदादांची आर. आर. आबांवर टीका, सुप्रिया सुळे भडकल्या
"शरद पवार देशाचे सर्वोच्च नेते, सदा खोतच्या बापाने म्हणजेच नरेंद्र मोदींनी शरद पवार हे आपले कसे गुरू आहेत हे वारंवार सांगितलं, पवार साहेबांचं बोट पकडून कसं राजकारण केलं हे मोदींनी सांगितलं. भाजप सरकारने शरद पवार यांना राजकीय, सामाजिक, शैक्षणिक आणि कृषी क्षेत्रातील कामाबद्दल पद्मविभूषण पुरस्कार दिला आहे. पवार साहेबांनी काहीच केलं नाही असं म्हणणाऱ्या टमरेलांनी अभ्यास केला पाहिजे की त्यांनी पवार साहेबांच्या कामाचा लेखाजोखा घेतला पाहिजे. शरद पवार देशाच्या राजकारणातले भीष्म पितामह आहे आम्हाला अभिमान आहे. त्यांच्या आजारपणावर अशापद्धतीनं बोलून तुम्ही महाराष्ट्राची मान शरमेनं खाली घातली, या लायकीची माणसं फडणवीसांनी महाराष्ट्रात उभी केली असं राऊत म्हणाले. यशवंतराव चव्हाणांपासून ते बाळासाहेबांपर्यंत, विलासराव देशमुखांपासून वसंतदादापर्यंतची परंपरा आहे, या तुळशीवृंदावणात भांगेची रोपटी देवेंद्र फडणवीस यांनी लावली, महाराष्ट्रात विष पेरण्याचं काम सुरूय, कधी गोपीचंद पडळकर, कधी सदाभाऊ खोत... शरद पवार यांच्यावर टीका करा, पण हे लोक कोणत्या नशेत असतात, देवेंद्र फडणवीस फिदीफिदी हसतात, यामुळे महाराष्ट्र देवेंद्र फडणवीस यांचा तिरस्कार करतोय. तुम्हाला लाज वाटली पाहिजे" असं म्हणत संजय राऊत यांनी संताप व्यक्त केलाय.
हे वाचलं का?
