Uddhav Thackeray : छत्रपती शिवरायांचं नाव घेतल्यावर फडणवीसांना... बुलढाण्यातून उद्धव ठाकरेंची खोचक टीका

हे ही वाचा >>PM Narendra Modi Dhule : एक है तो, सेफ है.... धुळ्याच्या सभेत मोदींचा नवा नारा, नेमका अर्थ काय?

तुम्ही माझ्यावर विश्वास दाखवला, पण घात झाला असं म्हणत उद्धव ठाकरे यांनी संजय गायकवाड यांच्यावर निशाणा साधला. यावेळी पुढे ते असंही म्हणाले की, जयश्रीताई कशा आहेत हे तुम्हाला माहिती आहे. यामुळे उद्धव ठाकरे यांनी जयश्री शेळके यांच्यावर विश्वास व्यक्त केला. पुढे शिंदेंच्या शिवसेनेवर निशाणा साधताना उद्धव ठाकरे म्हणाले की, 40 जणांच्या टोळीने दरोडा टाकला. त्यांनी आपला पक्ष चोरून नेला, आणि आता म्हणतात हा पक्ष आमचा. ते गद्दारच आहेत, खोकेबाज आणि धोकेबाज आहेत. आता पन्नास खोके इज नॉट ओके. हे आता हारले तरी त्यांनी भरपूर जमा करु ठेवलंय,तुमची काळजी तुम्हाला घ्यावी लागणार आहे असं उद्धव ठाकरे म्हणालेत.

उद्धव ठाकरे यांनी यावेळी सांगितलं, गद्दार आमदार जिथे पळून गेले त्या सुरतमध्येही शिवरायांचं मंदिर बांधणार आहे असं उद्धव ठाकरे यांनी  सांगितलं आहे. छत्रपती शिवरायांचं नाव घेतल्यावर देवेंद्र फडणवीस यांना सहन होत नाही, त्यामुळे ते म्हणतात की मुंब्रामध्ये छत्रपती शिवाजी महाराज यांचं मंदिर बनवून दाखवा. हा मुंब्रा त्याच जिल्ह्यात आहे, जिथून तुमचा मुख्यमंत्री केला आहे. त्या जिल्ह्यात मंदिर बांधणं तुम्हाला अवघड का वाटतं असा सवाल उद्धव ठाकरे यांनी उपस्थित केला.