पुणे: ऐतिहासिक लाल महालात लावणीचं शुटिंग, संभाजी ब्रिगेडने केली कारवाईची मागणी

सिने दिग्दर्शक सुनील बापट आणि नृत्यांगना वैष्णवी पाटील यांनी हे कृत्य केलं आहे. व्हीडिओत स्पष्ट दिसतं आहे की नृत्यांगना वैष्णवी पाटील ठुमके लगावत लावणीच्या तालावर लाल महालात नृत्य करते आहे. पुणे महापालिकेचे अधिकारी सुनील मोहित यांनी आज तकला दिलेल्या प्रतिक्रियेत हे स्पष्ट केलं आहे की लाल महालात जो प्रकार घडला त्यात सुरक्षा रक्षकाची चूक आहे. लाल महालात कधीही कोणत्याही प्रकारच्या सीरियल किंवा कोणत्याही शुटिंगला संमती देण्यात येत नाही. मात्र आता त्या सुरक्षा रक्षकाची बदली करण्यात आली आहे असंही मोहिते यांनी सांगितलं आहे.

हा प्रकार समोर आल्यानंतर संभाजी ब्रिगेडने आक्रमक होत या प्रकरणी कारवाईची मागणी केली आहे. पोलीस आयुक्तांना संभाजी ब्रिगेडने पत्र लिहिलं आहे आणि या प्रकरणी जे कुणी जबाबदार असतील त्यांच्या विरोधात कारवाईची मागणी केली आहे. तसंच जिल्हाधिकाऱ्यांनाही संभाजी ब्रिगेडने पत्र लिहिलं आहे.