Sunil Shukre at Mumbai Tak Baithak 2024: ओबीसीतून आरक्षण मागणाऱ्यांनी राज्यघटनेचा अभ्यास करावा...: सुनील शुक्रे
Sunil Shukre at Mumbai Tak Baithak 2024: मराठा समाजाला ओबीसीमधून आरक्षण मिळावं अशी मागणी करणाऱ्यांनी राज्यघटनेचा अभ्यास करावा असा सल्ला राज्य मागासवर्गीय आयोगाचे अध्यक्षांनी मुंबई Tak बैठकीत बोलताना मनोज जरांगेंना दिला आहे.
ADVERTISEMENT
बातम्या हायलाइट
मराठा आरक्षणाबाबत सुनील शुक्रेंचं परखड मत
मनोज जरांगेंना राज्यघटनेचा अभ्यास करण्याचा सल्ला
Manoj Jarange and Maratha Reservation: मुंबई: मराठा आरक्षणाचा मुद्दा हा महाराष्ट्रात सतत धगधगता आहे. एकीकडे शिंदे सरकारने मराठा समाजाला 10 टक्के आरक्षण दिलेलं असलं तरीही मराठा आंदोलक मनोज जरांगे मात्र ओबीसीमधून मराठ्यांना सरसकट आरक्षण मिळावं या मागणीवर ठाम आहेत. असं असताना यामध्ये नेमक्या संविधानिकदृष्ट्या काय अडचणी आहेत किंवा संविधानात काय तरतुदी आहेत. यावर राज्य मागसवर्गीय आयोगाचे अध्यक्ष सुनील शुक्रे यांनी परखड मत व्यक्त केलं आहे. 'मुंबई Tak बैठक' या विशेष कार्यक्रमात बोलताना शुक्रेंनी मनोज जरांगे यांचं नाव न घेता त्यांना राज्यघटनेचा अभ्यास करण्याचा सल्ला दिला आहे. (sunil shukre at mumbai tak baithak 2024 those seeking reservation from obc should study the constitution said sunil shukre chairman of the state backward class commission maratha reservation manoj jarange)
पाहा मुंबई Tak बैठकीत सुनील शुक्रे यांनी मनोज जरांगेंना काय दिला सल्ला?
आरक्षणाचा जो कोटा आहे ते पॉलिसी मॅटर आहे. आरक्षण द्यावं की न द्यावं हे देखील पॉलिसी मॅटर आहे. आरक्षण दिलं तर ते कोणत्या आधारावर द्यावं हे देखील पॉलिसी मॅटर आहे. यावर कोणीही भाष्य करणं हे योग्य नाही. मराठा समाजाला जे आरक्षण मिळालं आहे ते सामाजिक आणि शैक्षणिक मागास या आधारावर देण्यात आलं आहे. जर संविधानाचा आपण अभ्यास केला तर त्यात फक्त तीनच प्रवर्ग आहे. एक
अनुसचित जाती, भटक्या विमुक्त जमाती आणि इतर मागासवर्गीय आहेत.
हे ही वाचा>> Praful patel Mumbaitak Baithak: अजित पवार-शरद पवार एकत्र येणार? प्रफुल पटेल म्हणाले...
संविधानानुसार हे तीनच प्रवर्ग आहेत. असं असताना असं म्हणणं की, या प्रवर्गातून आरक्षण हवं किंवा त्या प्रवर्गातून आरक्षण हवं तर जे प्रवर्ग तयार झाले आहेत की, ओबीसी, विमुक्त जाती-जमाती हे सगळ्या मागासवर्गीय प्रवर्गातच येतात.
त्यामुळे जो कोणी अशी मागणी करतात की, विशिष्ट प्रवर्गातून आरक्षण द्यावं त्यांना माझी विनंती आहे की, त्यांनी भारतीय राज्यघटनेचा अभ्यास करावा. तेव्हा त्यांना लक्षात येईल की, तीनच प्रवर्ग आहेत. त्यामधील तिसरा प्रवर्ग हा मागासवर्ग हा आहे. त्यात उपश्रेणी झाल्या आहेत. असं म्हणत सुनील शुक्रे यांनी मनोज जरांगे यांना सल्ला दिला आहे.
'मुंबई Tak बैठकी'चा हा भरगच्च कार्यक्रम
सकाळी 10 वाजता राष्ट्रवादी काँग्रेसचे कार्याध्यक्ष प्रफुल पटेल हे या सोहळ्याचे पहिले प्रमुख पाहुणे असणार आहेत. त्यानंतर माजी मंत्री आणि नवनिर्वाचित खासदार वर्षा गायकवाड आणि आमदार यशोमती ठाकूर यांच्या उपस्थितीत दुसरं सत्र पार पडणार आहे.
त्यानंतर तिसरं सत्र हे महाराष्ट्रातील आरक्षण आणि त्या भोवतालची परिस्थिती यासाठी अत्यंत महत्त्वाचं असणार आहे. कारण या सत्रात राज्य मागासवर्गीय आयोगाचे अध्यक्ष माजी न्यायमूर्ती सुनील शुक्रे हे आपली मतं व्यक्त करतील.
हे ही वाचा>> MumbaiTak Baithak 2024: "...तर प्रकाश आंबेडकर आणि वंचितचे 4 जण खासदार झाले असते"
तर चौथं सत्र हे संपूर्ण महाराष्ट्रासाठी महत्त्वाचं असणार आहे. कारण या सत्रात महाराष्ट्राचे मुख्यमंत्री एकनाथ शिंदे हे स्वत: महाराष्ट्राबाबतचं त्यांचं व्हिजन राज्यासमोर मांडणार आहेत. लोकसभा निवडणुकीत महायुतीची झालेली पडझड आणि राजकीय घडामोडी या सगळ्याचा उहापोह या सत्रात होईल.
मुख्यमंत्री एकनाथ शिंदे यांच्यानंतर तात्काळ उपमुख्यमंत्री देवेंद्र फडणवीस यांची विशेष मुलाखत पार पडेल. ज्यामध्ये ते महाराष्ट्रातील राजकारणा संपूर्ण पट आपल्यासमोर मांडतील.
सहावं सत्र हे अधिक विशेष असणार आहे. कारण त्यात स्वत: शिवसेना (UBT) नेते आदित्य ठाकरे हे सहभागी होणार आहे. ठाकरे सरकार कोसळल्यापासून थेट रस्त्यावर उतरून सत्ताधाऱ्यांवर निशाणा साधणारे आदित्य ठाकरे हे आगामी राजकारण कसं करणार याची झलक आपल्याला मुंबई Tak बैठकीत पाहायला मिळेल.
मुंबई Tak च्या प्रेक्षकांना 12 ऑगस्ट रोजी एकाच दिवशी दिग्गज नेत्यांना ऐकण्याची संधी मिळणार आहे. ज्यामध्ये वंचित बहुजन आघाडीचे प्रमुख प्रकाश आंबेडकर, राष्ट्रवादी काँग्रेस - शरदचंद्र पवार पक्षाच्या खासदार आणि नेत्या सुप्रिया सुळे आणि भाजपच्या आमदार पंकजा मुंडे यांच्यासारखे दिग्गजही मुंबई Tak बैठकीत सहभागी होणार आहेत.
मुंबई Tak बैठकीची सुरुवात ही जरी राजकीय नेत्यांच्या फटकेबाजीने होणार असली तरीही त्याचा समारोप हा अवघ्या महाराष्ट्राला आपलंस करून सोडणाऱ्या दिग्गज मराठी अभिनेत्यांच्या खुमसदार गप्पांनी होणार आहे. ‘मुबई Tak बैठक’मध्ये सिने क्षेत्रातील ज्येष्ठ अभिनेते आणि महाराष्ट्र भूषण अशोक सराफ हे सहभागी होणार आहेत. तर त्यांच्याच बरोबर ज्येष्ठ अभिनेते सचिन पिळगांवकर हे देखील आपल्याशी गप्पा मारतील. तर या दोन्ही दिग्गज नेत्यांच्या जोडीला अभिनेत्री सुप्रिया पिळगांवकर आणि अभिनेता स्वप्निल जोशी देखील असणार आहे.
हे वाचलं का?
