साप चावलेल्या तरुणाचे प्राण ‘या’ आमदारामुळे वाचले!

एखाद्या व्यक्तीस सर्पदंश झाल्यास त्याला तात्काळ उपचारांची गरज असते. अनेकदा वेळेत योग्य उपचार न मिळाल्याने बऱ्याच जणांना प्राण गमावल्याच्या घटना देखील आतापर्यंत घडल्या आहेत. मात्र, सोलापूरमध्ये एका आमदाराने समयसूचकता दाखवत सर्पदंश झालेल्या एका तरुणाला योग्य मदत केल्याने त्याचे प्राण वाचले आहेत. या घटनेमुळे सोलापूरमधील त्या आमदाराचे बरंच कौतुक होत आहे.

नेमकं काय घडलं?

सोलापूर-अक्कलकोटचे आमदार सचिन कल्याणशेट्टी हे करजगी तालुका अक्कलकोट येथे आपल्या एका नियोजित कार्यक्रमासाठी जात होते. यावेळी वाटेत एका व्यक्तीस सर्पदंश झाल्याचे त्यांना दिसून आले. तसेच त्या व्यक्तीला तात्काळ उपचाराची गरज असल्याचेही त्यांना समजले.