मुख्यमंत्र्यांकडून डॅमेज कंट्रोल, टाटा कॅन्सर रुग्णालयातील नातेवाईकांसाठी बॉम्बे डाईंग परिसरात नवीन खोल्या

जाणून घ्या काय आहे नेमकं प्रकरण?

गृहनिर्माण मंत्री जितेंद्र आव्हाड यांनी टाटा कॅन्सर रुग्णालयात येणाऱ्या नातेवाईकांसाठी १०० सदनिका देण्याचा प्रकल्प हाती घेतला होता. टाटा कॅन्सर रुग्णालय सदनिका हे जितेंद्र आव्हाडांचं ड्रीम प्रोजेक्ट मानलं जातं होतं. खुद्द शरद पवार यांनी या उपक्रमाचं उद्घाटन केलं होतं. शरद पवारांनी या सदनिकांच्या चाव्या टाटा कॅन्सर रुग्णालयाचे प्रमुख डॉ. बडवे यांना सुपूर्द केल्या होत्या.

परंतू शिवसेनेचे शिवडीचे आमदार अजय चौधरी यांनी या प्रकल्पाबद्दल तक्रार केल्यामुळे मुख्यमंत्र्यांनी या प्रकल्पाला स्थगिती दिली. या बाबतचा अहवाल तपासून सादर करण्यात यावा असा शेराही मुख्यमंत्र्यांनी दिला होता. उद्धव ठाकरेंच्या या निर्णयामुळे महाविकास आघाडीत आणखी एक वाद निर्माण होतोय अस चित्र तयार झालं होतं.