अंबानींच्या धमकीचं पत्र ‘त्या’ प्रिंटरवरच छापण्यात आलं होतं?
मुंबई: प्रसिद्ध उद्योजक मुकेश अंबानी यांच्या अँटेलिया निवासस्थानाबाहेर सापडलेल्या संशयित गाडीत जिलेटीन कांड्यासह एक धमकीचं पत्र देखील सापडलं होतं. पण आता हे पत्र नेमकं कुणी छापलं होतं आणि कशावर याचा खुलासा होण्याची शक्यता आहे. कारण ATS ने मनसुख हिरेन प्रकरणात आरोपी विनायक शिंदेच्या घरातून एक प्रिंटर जप्त केला आहे. ATSच्या अधिकाऱ्यांना असा संशय आहे की, […]
ADVERTISEMENT
मुंबई: प्रसिद्ध उद्योजक मुकेश अंबानी यांच्या अँटेलिया निवासस्थानाबाहेर सापडलेल्या संशयित गाडीत जिलेटीन कांड्यासह एक धमकीचं पत्र देखील सापडलं होतं. पण आता हे पत्र नेमकं कुणी छापलं होतं आणि कशावर याचा खुलासा होण्याची शक्यता आहे. कारण ATS ने मनसुख हिरेन प्रकरणात आरोपी विनायक शिंदेच्या घरातून एक प्रिंटर जप्त केला आहे. ATSच्या अधिकाऱ्यांना असा संशय आहे की, हे पत्र याच प्रिंटरवर छापलं आहे.
25 फेब्रुवारीला मुकेश अंबानी यांच्या अँटेलिया निवासस्थानाबाहेर एक स्कॉर्पिओ सापडली होती. ज्यामध्ये मुकेश अंबानी यांना धमकी देणार एक पत्रंही सापडलं होतं. हे पत्र नेमकं कुणी लिहलं होतं याबाबत एटीएसकडून तपास सुरु होता. दुसरीकडे मनसुख हिरेन हत्या प्रकरणी एटीएसने माजी पोलीस कॉन्स्टेबल विनायक शिंदे याला अटक केली होती. लखन भैय्या एन्काउंटरप्रकरणी दोषी असलेला विनायक शिंदे हा पॅरोलवर बाहेर आला होता आणि त्याच दरम्यान त्याने मनसुखची हत्या केल्याचा एटीएसला संशय आहे.
विनायक शिंदेच्या अटकेनंतर एटीएसच्या अधिकाऱ्यांनी त्याच्या कळव्यातील घरावर देखील छापा मारला. यावेळी एटीएसने त्याच्या घरातून एक प्रिंटर हस्तगत केला. त्यामुळे याच प्रिंटरवरुन धमकीचं पत्र छापण्यात आलेलं की नाही याबाबत आता सखोल तपास सुरु आहे.
विनायक शिंदेंना अटक झालेले लखन भैया एनकाऊंटर प्रकरण काय ?
हे वाचलं का?
