स्वाभिमानीचे कार्यकर्ते आणि पोलिसांमध्ये राडा; तहसीलदारांची गाडी पेटवण्याचा प्रयत्न

सोयाबीन आणि कापसाचे भाव पडल्याने स्वाभिमानी शेतकरी संघटनेचे नेते रविकांत तुपकर यांच्या अन्नत्याग उपोषणाचा चौथा दिवस असून, परिस्थिती चिघळताना दिसत आहे. उपोषणाला प्रशासनाकडून कोणताही प्रतिसाद देण्यात न आल्याने संतप्त झालेल्या स्वाभिमानीच्या कार्यकर्त्यांनी पोलिसाच्या गाडीची तोडफोड केल्याची घटना घडली. त्याचबरोबर तहसीलदारांची गाडी जाळण्याचाही प्रयत्न झाला. याचे पडसाद आता वाशिम जिल्ह्यातही उमटताना दिसत आहे.

कापसाला प्रति क्विंटल 12 हजार रुपये, तर सोयाबीनला प्रति क्विंटल 8 हजार रुपये भाव देण्याच्या मागणीसाठी स्वाभिमानी शेतकरी संघटनेचे नेते रविकांत तुपकर यांनी अन्नत्याग उपोषण सुरू केलेलं आहे.