Maharashtra Health Card : कोरोनाच्या दुसऱ्या लाटेचा सामना करण्यासाठी सरकारकडून आरोग्य व्यवस्थेत वाढ

कोरोनाच्या दुसऱ्या लाटेचा सामना करत असलेल्या महाराष्ट्रात गेल्या काही दिवसांपासून आरोग्य व्यवस्थेवर चांगलाच ताण येतो आहे. १ मे पासून देशात लसीकरणाचा पुढचा टप्पा सुरु होणार असला तरीही पुरेसा साठा उपलब्ध न झाल्यामुळे राज्यात १ मे पासून लसीकरणाला सुरुवात होणार नाहीये. महाराष्ट्र दिनाच्या पार्श्वभूमीवर मुख्यमंत्री उद्धव ठाकरे यांनी राज्यातील जनतेशी संवाद साधत आरोग्य सुविधेत राज्य सरकार कशा पद्धतीने वाढ करत आहे याची माहिती दिली.