अमरावती विद्यापीठातील ५६ कर्मचाऱ्यांना कोरोनाची लागण

५६ कर्मचाऱ्यांपैकी १३ जणं हे एकाच कुटुंबातील असल्यामुळे विद्यापीठ प्रशासनासमोरच्या चिंता वाढल्या आहेत. अमरावती विद्यापीठाचे परीक्षा नियंत्रक डॉ. हेमंत देशमुख यांनी ही माहिती दिली. संत गाडगेबाबा विद्यापीठातून अमरावतीसह अकोला, बुलडाणा, वाशिम आणि यवतमाळ अशा ५ जिल्ह्यांचा शैक्षणिक कारभार चालतो. अशा परिस्थितीत विद्यापीठातील ५६ कर्मचाऱ्यांना कोरोनाची लागण झाल्यामुळे आगामी काळात परीक्षा आणि निकालांवर परीणाम होण्याची शक्यता वर्तवली जात आहे.