अब्दुल सत्तारांचे सुप्रिया सुळेंच्या विरोधात अपशब्द, राज्यभरात राष्ट्रवादी आक्रमक
महाराष्ट्राचे कृषी मंत्री अब्दुल सत्तार यांनी राष्ट्रवादीच्या खासदार सुप्रिया सुळे यांच्याबाबत अपशब्द वापरल्यानंतर आता राज्यभरात राष्ट्रवादी आक्रमक झाली आहे. राष्ट्रवादी काँग्रेसकडून अब्दुल सत्तार यांच्या राजीनाम्याची मागणी होते आहे. तसंच राष्ट्रवादीच्या नेत्यांनीही अब्दुल सत्तार यांच्यावर कडाडून टीका केली आहे. राष्ट्रवादीचे नेते एकनाथ खडसे यांनी काय म्हटलं आहे? अब्दुल सत्तार यांनी सुप्रिया सुळे यांच्या बद्दल केलेल्या शिवीगाळाचा […]
ADVERTISEMENT
महाराष्ट्राचे कृषी मंत्री अब्दुल सत्तार यांनी राष्ट्रवादीच्या खासदार सुप्रिया सुळे यांच्याबाबत अपशब्द वापरल्यानंतर आता राज्यभरात राष्ट्रवादी आक्रमक झाली आहे. राष्ट्रवादी काँग्रेसकडून अब्दुल सत्तार यांच्या राजीनाम्याची मागणी होते आहे. तसंच राष्ट्रवादीच्या नेत्यांनीही अब्दुल सत्तार यांच्यावर कडाडून टीका केली आहे.
राष्ट्रवादीचे नेते एकनाथ खडसे यांनी काय म्हटलं आहे?
अब्दुल सत्तार यांनी सुप्रिया सुळे यांच्या बद्दल केलेल्या शिवीगाळाचा मी निषेध व्यक्त करतो अब्दुल सत्तार यांच्या हा संस्काराचा परिणाम आहे. ज्यांच्या आई-वडिलांनी संस्कार दिले नाही तोच असं बोलू शकतो…अशी टीका राष्ट्रवादीचे नेते आमदार एकनाथ खडसे यांनी केली आहे. अब्दुल सत्तार यांनी माफी मागून आपले शब्द मागे घ्यावे अशी मागणी ही एकनाथ खडसे यांनी केली आहे.
राष्ट्रवादीच्या नेत्या रूपाली पाटील यांनी काय म्हटलं आहे?
अब्दुल सत्तार यांनी हे वक्तव्य करून त्यांची विकृती दाखवून दिली. महिलांना शिवीगाळ करणाऱ्या मंत्र्यांचा निषेध असो असं रूपाली पाटील यांनी म्हटलं आहे.
मुंबईत राष्ट्रवादीचं आंदोलन
मुंबईत राष्ट्रवादी काँग्रेसने अब्दुल सत्तार यांच्या घराबाहेर येत आंदोलन केलं. विद्या चव्हाण यांच्या नेतृत्त्वात हा मोर्चा निघाला होता. अब्दुल सत्तारांच्या बंगल्याची तोडफोड करण्यात आली. तसंच अब्दुल सत्तार यांच्या राजीनाम्याचीही मागणी यावेळी करण्यात आली.
हे वाचलं का?
