शिवसेना शाखाप्रमुखाच्या हत्या प्रकरणातील आरोपीला 6 वर्षांनंतर अटक; कोल्हापुरात ठोकल्या बेड्या

सागर कांबळे, असं हत्या प्रकरणातील सहा वर्षांपासून फरार असलेल्या आरोपीचं नाव आहे. ठाणे शहर पोलिसांनी त्याला अटक केली आहे. पोलिसांनी दिलेल्या माहितीप्रमाणे बदलापूर शहरातील शिवाजी चौक परिसरातील शिवसेनेचे उपशाखाप्रमुख केशव नारायण मोहिते यांची 2015 मध्ये हत्या करण्यात आल्याची घटना घडली होती.

4 एप्रिल 2015 रोजी जमावाने उपशाखाप्रमुख केशव नारायण मोहिते यांची क्रूरपणे हत्या केली होती. वैयक्तिक वादातून ही हत्या करण्यात आल्याचं त्यावेळी समोर आलं होतं. त्यावेळी या प्रकरणाची तपास करत असताना पोलिसांनी चार आरोपींना अटक केली होती.

Maharashtra: Thane City Police says it has arrested an accused who was on the run since 2015 in the murder case of Shiv Sena leader Keshav Narayan in Badlapur. pic.twitter.com/72sVHdINTk

— ANI (@ANI) October 13, 2021

पोलिसांनी आरोपींविरुद्ध अटकेची कारवाई हाती घेण्यात आल्यानंतर आरोपी सागर कांबळे पळून जाण्यात यशस्वी ठरला होता. 2015 पासून स्थानिक पोलीस त्याचा शोध घेत होते.