आधी एकनाथ शिंदेंच्या शपथेवर अन् आता विधानसभा अध्यक्षपदाच्या निवडणुकीवर काँग्रेसचा आक्षेप

आणि पुन्हा शपथ घेण्याचे आदेश दिले होते. त्या वेळी काँग्रेस नेते केसी पाडवी यांनी शपथ घेताना सोनिया गांधींचे नाव घेतले होते, त्यावर राज्यपाल भगतसिंह कोश्यारी यांनी त्यांना रोखले होते. त्या घटनेचा संदर्भ देत राज्यपालांनी आपली भूमिका बदलली आहे का, असा सवाल काँग्रेस नेत्याने केला.

एकनाथजी शिंदेंनी मुख्यमंत्रीपदाची शपथ बाळासाहेब ठाकरे व आनंद दिघेंना स्मरून घेतली

राज्यपालांनी त्यांना अडवले नाही

महाविकास आघाडी सरकारच्या शपथग्रहण सोहळ्यात शपथेआधी नेत्यांची नावे घेतली होती म्हणून मंत्र्यांना पुन्हा शपथ घ्यावी लावली होती

आता राज्यपालांची भूमिका बदलली का?

— Atul Londhe (@atullondhe) June 30, 2022

आता यानंतर काँग्रेसचे ज्येष्ठ नेते बाळासाहेब थोरात (Balasaheb Thorat) यांनी विधानसभा अध्यक्षपदाच्या निवडणुकीवरुन प्रश्नचिन्ह उपस्थीत केले आहेत. बाळासाहेब थोरात ट्विट करत म्हणाले ”विधानसभा अध्यक्ष पदाची निवडणूक लावावी ही मागणी काँग्रेसने राज्यपालांकडे सातत्याने केली पण प्रकरण सुप्रीम कोर्टात (Supreme Court) आहे सांगूनही विधानसभा अध्यक्ष पदाची निवडणूक राज्यपालांनी घेतली नव्हती मग आता कशी निवडणूक लावली ? कोणत्या नियम अंतर्गत निवडणूक होणार? हा आमचा प्रश्न आहे.”

विधानसभा अध्यक्ष पदाची निवडणूक लावावी ही मागणी काँग्रेसने राज्यपालांकडे सातत्याने केली पण प्रकरण सुप्रीम कोर्टात आहे सांगूनही विधानसभा अध्यक्ष पदाची निवडणूक राज्यपालांनी घेतली नव्हती मग आता कशी निवडणूक लावली ? कोणत्या नियम अंतर्गत निवडणूक होणार? हा आमचा प्रश्न आहे. pic.twitter.com/ffNllyv1JO

— Balasaheb Thorat (@bb_thorat) July 1, 2022

दरम्यान एकनाथ शिंदे यांनी गुरुवारी महाराष्ट्राच्या मुख्यमंत्रिपदाची शपथ घेतली तर देवेंद्र फडणवीस यांनी उपमुख्यमंत्री पदाची शपथ घेतली आहे. यावेळी शिंदेंनी बाळासाहेब ठाकरे आणि आनंद दिघेंचे नाव घेवून शपथेला सुरुवात केली होती त्यावरच काँग्रेसने आक्षेप घेतला आहे. दुसरी गोष्ट म्हणजे नाना पटोले यांनी अध्यक्षपद सोडल्यानंतर महाराष्ट्राच्या विधानसभेला अध्यक्ष नव्हता. नरहरी झिरवाळ हेच उपाध्यक्ष म्हणून विधानभवनात बसत होते. महाविकास आघाडीने वारंवार निवडणूक घेण्याचा प्रयत्न केला पंरतु अध्यक्षपद न्यायालयीन लढाईत अडकवले गेले असा आरोप काँग्रेस करत आहे.