उत्तर प्रदेशात सपाची सायकल पंक्चर! मुलायम सिंग यादवांची सून अपर्णा यांचा भाजपमध्ये प्रवेश

उत्तर प्रदेश विधानसभा निवडणुकीसाठी सगळे पक्ष जोरदार तयारीला लागले आहेत. अशात समाजवादी पक्षाची सायकल पंक्चर करण्याचं काम भाजपने केलं आहे. कारण माजी मुख्यमंत्री मुलायम सिंग यादव यांची सून अपर्णा यादव यांनी भाजपमध्ये प्रवेश केला आहे. निवडणुकीच्या तोंडावर अपर्णा यादव यांनी सपा सोडून भाजपमध्ये जाणं हा समाजवादीसाठी मोठा झटका मानला जातो आहे. त्यामुळे राजकीय वातावरण आणखी तापण्याची चिन्हं आहेत. दिल्लीच्या भाजप कार्यालयात भाजपचे प्रदेशाध्यक्ष स्वतंत्र देव सिंह आणि उपमुख्यमंत्री केशव प्रसाद मौर्य यांच्या उपस्थितीत हा पक्ष प्रवेश पार पडला.