उपमुख्यमंत्री अजित पवार यांना ‘सर्टिफिकेट ऑफ कमिटमेंट’ प्रदान

उपमुख्यमंत्री अजित पवार (Ajit Pawar) यांनी महाराष्ट्रात कोरोनामुक्तीसाठी केलेल्या कार्याचा गौरव म्हणून ‘वर्ल्ड बुक ऑफ रेकॉर्डस् लंडन’ यांच्या वतीने ‘सर्टिफिकेट ऑफ कमिटमेंट’ (Certificate of Commitment) (स्वित्झर्लंड) हा मानाचा पुरस्कार देऊन त्यांचा गौरव करण्यात आला आहे.

वर्ल्ड बुक ऑफ रेकॉर्डसचे यूरोपचे अध्यक्ष विल्यम जेजलर यांच्या मार्गदर्शनाखाली जगभरात 70 देशामध्ये कोरोनामुक्तीसाठी जनजागृती केली जात आहे. तसेच कोरोनामुक्तीसाठी कार्य करण्याची प्रेरणा व प्रोत्साहन मिळण्यासाठी सदर संस्था मार्फत व्यक्ती व संस्थाना सम्मानित करण्यात येत आहे.

उपमुख्यमंत्री अजित पवार यांनी कोरोनाच्या पार्श्वभूमीवर घेतलेले धडाडीचे व झटपट निर्णय, वैदकीय सुविधा प्राप्त करून देण्यासाठी केलेले कार्य आदी कार्याची दखल घेऊन सदर पुरस्कार त्यांना बहाल करण्यात आला आहे.