Meghalaya : ‘मविआ’ पार्ट – २ सपशेल फसला; सर्वात मोठ्या पक्षासोबत काय घडलं?
Meghalaya government formation: मेघालयमध्ये (Meghalaya) महाराष्ट्राच्या (Maharashtra) पार्श्वभूमीवर महाविकास आघाडी स्थापन करण्याचा प्रयत्न अयशस्वी ठरला आहे. सत्तास्थापनेसाठी २६ जागांसह सर्वात मोठा पक्ष ठरलेल्या एनपीपीला बाजूला सारून वेगळी राजकीय आघाडी करण्याचा प्रयत्न होता. मात्र ३ दिवसांत घडलेल्या अत्यंत नाट्यमय घडामोडींनंतर अखेर काल (रविवारी) युनायटेड डेमोक्रॅटिक पक्ष (UDP) आणि पीपल्स डेमोक्रॅटिक फ्रंट (PDF) या पक्षांनी कोनराड संगमा […]
ADVERTISEMENT
Meghalaya government formation: मेघालयमध्ये (Meghalaya) महाराष्ट्राच्या (Maharashtra) पार्श्वभूमीवर महाविकास आघाडी स्थापन करण्याचा प्रयत्न अयशस्वी ठरला आहे. सत्तास्थापनेसाठी २६ जागांसह सर्वात मोठा पक्ष ठरलेल्या एनपीपीला बाजूला सारून वेगळी राजकीय आघाडी करण्याचा प्रयत्न होता. मात्र ३ दिवसांत घडलेल्या अत्यंत नाट्यमय घडामोडींनंतर अखेर काल (रविवारी) युनायटेड डेमोक्रॅटिक पक्ष (UDP) आणि पीपल्स डेमोक्रॅटिक फ्रंट (PDF) या पक्षांनी कोनराड संगमा यांच्या एनपीपी पक्षासोबत युती करत सरकारला पाठिंबा दिला आहे. या दोन्ही पक्षांनी आपल्या समर्थनाचे पत्र कोनराड संगमा यांच्याकडे सुपूर्द केले. (The UDP and the PDF are allies of the NPP in the outgoing Meghalaya Democratic Alliance (MDA) government)
यानंतर कोनराड संगमा यांनी ट्विट करत सांगितलं की, “युडीपी आणि पीडीएफ या पक्षांनी सरकार स्थापनेसाठी एनपीपीला दिलेल्या पाठिंब्याबद्दल त्यांचे आभार. राज्यातीलच दोन महत्त्वाच्या पक्षांची साथ मिळाल्यामुळे आता मेघालय आणि मेघालयच्या जनतेसाठी आम्हाला ठोस असे काम करणे शक्य होणार आहे.”
नुकत्याच झालेल्या निवडणुकीत मेघालयमध्ये एकाही पक्षाला बहुमत मिळालेलं नाही. निकालात संगमा यांच्या एनपीपीला सर्वाधिक २६ जागा मिळाल्या. तर युडीपीला दोन नंबरच्या म्हणजे ११ जागा मिळाल्या. निकालानंतर अवघ्या काही तासांतच २ आमदार असलेल्या भाजपने एनपीपीला आपले समर्थन देऊ केले. दुसऱ्याच दिवशी एनपीपी आणखी दोन अपक्ष आमदारांचा पाठिंबा मिळाला. तसेच हिल स्टेट पिपल्स डेमोक्रॅटिक पक्षाच्या दोन आमदारांनीही त्यांना पाठिंबा दिला. त्यामुळे एनपीपीकडे ३२ आमदारांचं संख्याबळ झालं होतं. बहुमतासाठी ३१ आमदारांची गरज होती.
Rabri Devi: माजी सीएमच्या घरी सीबीआय पथक; ‘या’ घोटाळ्याप्रकरणी चौकशी
मात्र, हिल स्टेट पिपल्स डेमोक्रॅटिक पक्षाने अचानक घुमजाव करत दोन आमदारांनी एनपीपीला दिलेला पाठिंबा अधिकृत नसल्याचे जाहीर केलं. यामागे युडीपीचे तिसऱ्या आघाडीसाठी प्रयत्न सुरु असल्याच्या चर्चांना सुरुवात झाली. एनपीपी आणि भाजपाविरोधी पक्षांना एकत्र करून ही एक नवी युती तयार करण्याचा प्रयत्न होता. शनिवारपर्यंत युडीपीचे तृणमूल काँग्रेस आणि इतर पक्षांना सोबत घेऊन तिसरी आघाडी स्थापन करून सरकार स्थापन करण्याची आखणी सुरु होती. सत्तास्थापनेसाठीचे संख्याबळ आमच्याकडेच आहे, असे दावे युडीपीकडून केले जाऊ लागले.
नाव हटवलं आता औरंगजेबाची कबरही जाणार? शिवसेनेची मोदींकडे मोठी मागणी
मात्र रविवारी अचानक युडीपीने एनपीपीला पाठिंबा देत असल्याचं जाहीर केलं. त्यानंतर आता एनपीपीकडे आता ६० सदस्यांच्या सभागृहात तब्बल ४५ आमदारांचे भक्कम असे संख्याबळ असून कोनराड संगमा दुसऱ्यांदा सरकार स्थापनेसाठी सज्ज झाले आहेत. संगमा मंत्रिमंडळाचा शपथविधी सोहळा मंगळवारी राजभवन येथे होणार आहे. पंतप्रधान नरेंद्र मोदी आणि केंद्रीय गृहमंत्री अमित शाह हे या सोहळ्याला उपस्थित राहण्याची शक्यता आहे.
हे वाचलं का?
