‘द कश्मीर फाईल्स’वर टीका : IFFI ज्युरी प्रमुखांच्या विधानाला स्वरा भास्करचं समर्थन; तर विवेक अग्निहोत्री म्हणाला…

विवेक अग्निहोत्री यानी काय लिहिले?

विवेक अग्निहोत्रीने ट्विट करून लिहिले, सुप्रभात, सत्य ही सर्वात धोकादायक गोष्ट असते. हे लोकांना खोटे ठरवू शकते. #CreativeConciousness विवेक अग्निहोत्री यांनी IFFI ज्युरी प्रमुख नादव लॅपिड यांना काही शब्दांत त्यांचे म्हणणे मांडून उत्तर दिले आहे. याआधी अनुपम खेर यांनी ट्विट करून आपली बाजू मांडली होती. त्यांनी लिहिले, “खोट्याची उंची कितीही जास्त असली तरी. सत्याच्या तुलनेत ते नेहमीच लहान असते.

काय म्हणाले अशोक पंडित?

चित्रपट निर्माते अशोक पंडित यांनीही ‘द काश्मीर फाइल्स’ या चित्रपटावर केलेल्या विधानावर आक्षेप घेतला आहे. त्यांनी इफ्फीच्या ज्युरींच्या प्रमुखावर टीका केली आणि त्यांचे विधान लज्जास्पद असल्याचे म्हटले आहे. काश्मिरी लोकांची आणि भारताच्या दहशतवादाविरुद्धच्या लढाईची खिल्ली उडवणारे असे त्यांच्या वक्तव्याचे वर्णन करण्यात आले आहे. अशोक पंडित यांच्या मते, नवद लॅपिडला इफ्फी ज्युरीचे प्रमुख बनवणे ही सर्वात मोठी चूक होती. यासाठी चित्रपट निर्मात्याने मंत्रालयालाही दोष दिला. अभिनेता रणवीर शौरीने नवद लॅपिडचे विधान चुकीचे असल्याचे म्हटले आहे.

नवाद लॅपिडवर इस्त्रायली राजदूताने चित्रपट निर्माते नवाद लॅपिड यांच्या विधानाचे स्पष्टपणे खंडन केले आहे. इस्रायलचे भारतातील राजदूत नाओर गिलन यांनी नदाव लॅपिड यांचे वक्तव्य खाजगी असल्याचे म्हटले आहे. नादव लॅपिड यांच्या वक्तव्याची आम्हाला लाज वाटत असल्याचे ते म्हणाले. सूत्रांनी दिलेल्या माहितीनुसार, माहिती आणि प्रसारण मंत्रालयाच्या उच्च अधिकाऱ्यांचे म्हणणे आहे की, इस्रायलच्या राजदूताने या मुद्द्यावर आधीच निवेदन दिले आहे. या प्रकरणी अधिक काही सांगण्याची गरज नाही.