2024 मध्ये देवेंद्र फडणवीस मुख्यमंत्री? बावनकुळेंनी कार्यकर्त्यांना सांगितलं ‘व्हिजन’

बाळासाहेबांची शिवसेना आणि भाजपनं युती करत महाराष्ट्रात सरकार स्थापन केलं. देवेंद्र फडणवीस मुख्यमंत्री होणार, असा ठाम अंदाज व्यक्त केला जात होता. पण, भाजपच्या दिल्लीतल्या नेतृत्वानं सगळ्यांचा अंदाज चुकवला. मुख्यमंत्री एकनाथ शिंदे झाले आणि देवेंद्र फडणवीस यांना उपमुख्यमंत्री पद स्वीकारावं लागलं.

अचानक अस्तित्वात आलेल्या सरकारचं नेतृत्व एकनाथ शिंदे यांच्याकडे गेलं असलं, तरी राज्यात 2024 पुन्हा युतीचं (भाजप आणि बाळासाहेबांची शिवसेना) सरकार आलं तर मुख्यमंत्री कोण असेल; याची चर्चा आतापासूनच सुरूये.

मागील काही महिन्यात मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनाही 2024 मध्ये युतीचं सरकार आल्यास मुख्यमंत्री कोण असणार, असा प्रश्नही विचारला गेलाय. मात्र, दोन्ही नेत्यांनी याबद्दल राजकीय उत्तरं दिली. असं असलं तरी 2024 मध्ये युतीचं सरकार आल्यास मुख्यमंत्री देवेंद्र फडणवीस होतील, हे भाजपकडून स्पष्ट सांगितलं जात आहे.