गोपीनाथ मुंडेंचं स्वप्न 23 सप्टेंबरला होणार साकार; केंद्रीय मंत्र्यांच्या उपस्थितीत धावणार रेल्वे

भाजपचे दिवंगत नेते गोपीनाथ मुंडे यांचं बीड जिल्ह्यात रेल्वे यावी, असं स्वप्न होतं. मुंडेंचं स्वप्न होताना दिसत आहेत. यापूर्वी फक्त परळी येथे रेल्वेचे स्थानक होते. आता बीड जिल्ह्यातील आष्टी ते अहमदनगरदरम्यान नव्याने सुरुवात होणारी रेल्वे 23 सप्टेंबर रोजी सुरु होणार आहे. या रेल्वेचे उद्घाटन केंद्रीय रेल्वे मंत्री अश्विनकुमार वैष्णव आणि रेल्वे राज्यमंत्री रावसाहेब दानवे यांच्या हस्ते होत आहे. त्यामुळे जिल्ह्यातील नागरिकांमध्ये आनंदाचं वातावरण आहे. प्रामुख्याने आष्टी परिसरातील लोकांना आता रेल्वेतून प्रवास करायला मिळणार आहे.