रस्त्यांचे झाले कालवे, घरांमध्ये पाणी, राम नदीला पूर; पुणे परिसरात तुफान पाऊस

पुणे शहर आणि परिसरात रविवारी सायंकाळी चार वाजताच्या सुमारास अचानक मुसळधार पावसाला सुरुवात झाली. पावसाचा जोर जास्त असल्यानं काही वेळातच अनेक ठिकाणी पुण्यातील अनेक रस्ते आणि नाले, ओसंडून वाहू लागले.

पुण्यात मुसळधार पाऊस : पाच फूटापर्यंत साचलं पाणी

अतिवृष्टी सदृश्य पावसामुळे बावधन परिसरामध्ये हाहाकार उडाला होता. महत्त्वाचं म्हणजे राम नदीच्या पात्रही दुथडी भरून वाहू लागलं. या पावसामुळे पुण्यातील बावधन गावात, खोलगट भागांमध्ये अनेक घरात पाणी शिरलं. काही ठिकाणी तर पाच फूटापर्यंत पाणी जमा साचलं होतं.

रस्त्यावरून वाहणाऱ्या पाण्याचा वेग इतका प्रचंड होता की, परिसरात बंद करून उभ्या असलेल्या चारचाकी कार सुद्धा ३० ते ४० फूट लांबपर्यंत वाहून गेल्या.