नवाब मलिकांवर ईडीची कारवाई, नीरज गुंडेंना 8 तास आधीच कसं कळलं?

नीरज गुंडे हा भाजपचा फ्रंटमॅन आहे असा आरोप काही दिवसांपूर्वी नवाब मलिकांनी केला होता. तेव्हापासून नीरज गुंडे हे चर्चेत आले होते. त्याच गुंडेनी आज एक असं ट्विट केलं आहे की, ज्यामुळे सगळ्यांच्या भुवया उंचवल्या आहेत. नीरज गुंडे यांनी या ट्विटमध्ये असं सूतोवाच केलं होतं की, महाराष्ट्राच्या एका राजकीय नेत्यावर ईडीची कारवाई होऊ शकते.

पाहा नीरज गुंडेंनी नेमकं काय ट्विट केलंय?

‘सूत्रांकडून मिळालेली माहिती: दाऊद इब्राहिमचा भाऊ इक्बाल कासकर याने ईडीच्या कस्टडीत असताना महाराष्ट्रातील राजकारण्यांनी केलेल्या गुंतवणुकीचे बरेच तपशील दिले आहेत. तसेच दाऊद आणि छोटा शकीलच्या भारतातील आणि परदेशातील गुंतवणुकीचा तपशीलही दिला आहे.’ असं ट्विट नीरज गुंडे यांनी केलं आहे.