पेट्रोल-डिझेलचे दर 25-30 रूपये कमी केले असते तर मोठं मन दिसलं असतं-संजय राऊत

केंद्र सरकारने पेट्रोल डिझेलचे दर 25-30 रूपयांनी कमी केले असते तर त्यांचं मोठं मन दिसलं असतं. पेट्रोल आणि डिझेलचे दर वाढवून बेहिशोबी पैसे केंद्र सरकारने कमावले आहेत अशी टीका आता संजय राऊत यांनी केली आहे. तसंच दिवाळी साजरी करावी असं वातावरण देशात नाही. मुख्यमंत्री उद्धव ठाकरेंनी महाराष्ट्रात चांगलं वातावरण निर्माण केलं आहे. पेट्रोल आणि डिझेलचे दर पाच-दहा रूपयांनी कमी करून काही होणार नाही. देशभरात दिवाळीचं वातावरण नाही. भाजपला पूर्णपणे हरवावं लागणार आहे असंही संजय राऊत म्हणाले. तसंच पोट निवडणुकीत फटका बसल्याने भाजपने पेट्रोल आणि डिझेलचे दर कमी केले आहेत असंही संजय राऊत यांनी म्हटलं आहे.