अमित शाह-फडणवीसांचं नाव वापरून सोमय्यांनी केली वसुली, साडेसात हजार कोटींचा घोटाळा केला-राऊत

महाआयटी घोटाळ्यातले जे प्रमुख लोक आहेत त्यांना पळवून लावण्यात आलं आहे अशी माहिती मला मिळाली आहे. अमोल काळे कुठे आहे? २५ हजार कोटींचा घोटाळा झाला आहे. मनी लाँड्रींग झालं आहे. याचा जाब आम्ही केंद्र सरकारला विचारणार आहोत. मेहुल चोक्सी, विजय मल्ल्या यांनी केलेल्या घोटाळ्यापेक्षा हा मोठा घोटाळा आहे. या मागे किरीट सोमय्या आहे. दलाल किरीट सोमय्या हे स्वतःच आपल्या हाताने आपल्या चेहऱ्यावर जोडा मारून घेणार आहेत. लोक त्याची धिंड काढणार आहेत लवकरच असंही संजय राऊत यांनी म्हटलं आहे.

माझ्यावर कितीही गुन्हे दाखल करा संजय राऊत यांचे घोटाळे बाहेर काढणारच-किरीट सोमय्या

पवई पेरूबाग येथील जमीन आहे ती पुनर्वसनाच्या नावाखाली जमीन स्वच्छ करण्यात आली. त्या ठिकाणी किरीट सोमय्यांचे एजंट आहेत. 433 लोक तिथे घुसवले गेले. प्रत्येकाकडून 25 लाख रूपये घेण्यात आले. त्या घोटाळ्याचे ट्रकभरून कागद माझ्याकडे आहेत असाही दावा संजय राऊत यांनी केला. किरीट सोमय्या आणि भाजपच्या लोकांनी एजंट लावले होते. या सगळ्यांकडून 300 कोटी पेक्षा जास्त रक्कम गोळा केली. यातले 50 कोटी रूपये फडणवीसांना द्यायचे आहेत असंही किरीट सोमय्यांनी सांगितलं. फडणवीसांच्या नावावरही किरीट सोमय्याने वसुली केली आहे. मी इकॉनॉमिक अहवाल देणार आहे.

मुलुंडच्या ‘त्या’ दलालाला जोड्याने मारू; संजय राऊत किरीट सोमय्यांवर भडकले

देवेंद्र फडणवीस यांचा मी आदर करतो. ते भ्रष्टाचार करतील असं मला वाटत नाही. देवेंद्र फडणवीस यांनी आता यावर उत्तर दिलं पाहिजे. कारण ते असं काही करतील असं मला मुळीच वाटत नाही. किरीट सोमय्यांनी त्यांच्या नावावर वसुली झाली आहे हे फडणवीसांना कदाचित माहित नसावं. देवेंद्र फडणवीस कधीही असं काम करणार नाहीत. मात्र त्यांच्या नावाने घोटाळा झाला आहे असं संजय राऊत यांनी म्हटलं आहे. मी ही सगळी कागदपत्रं घेऊन मी मुख्यमंत्र्यांना भेटायला चाललो आहे. किरीट सोमय्यांच्या भ्रष्टाचाराची 211 प्रकरणं माझ्याकडे आली आहेत. देवेंद्र फडणवीस यांना या सगळ्या घोटाळ्याची कल्पना असेल असं मला वाटत नाही. किरीट सोमय्या लफंगा आहे असंही यावेळी संजय राऊत यांनी म्हटलं आहे.