सतिश उकेंना ६ एप्रिलपर्यंत ईडी कोठडी,फडणवीसांच्या भावांनी धमकावल्याचं म्हणत उके कोर्टात रडले
नागपूरमधील वकील सतिश उके आणि त्यांच्या भावाला ईडीने गुरुवारी अटक केल्यानंतर संपूर्ण राज्यभरात खळबळ उडाली होती. सतिश उके हे काँग्रेस प्रदेशाध्यक्ष नाना पटोले यांचे वकील असून ते भाजप नेत्यांविरुद्ध भूमिकेसाठीही ओळखले जातात. बनावट कागदपत्रांच्या आधारे जमीन खरेदी प्रकरणात नागपूरच्या आर्थिक गुन्हे शाखेत दाखल असलेल्या गुन्ह्याची दखल घेत ईडीने ही कारवाई केली आहे. दरम्यान सतिश उके […]
ADVERTISEMENT
नागपूरमधील वकील सतिश उके आणि त्यांच्या भावाला ईडीने गुरुवारी अटक केल्यानंतर संपूर्ण राज्यभरात खळबळ उडाली होती. सतिश उके हे काँग्रेस प्रदेशाध्यक्ष नाना पटोले यांचे वकील असून ते भाजप नेत्यांविरुद्ध भूमिकेसाठीही ओळखले जातात. बनावट कागदपत्रांच्या आधारे जमीन खरेदी प्रकरणात नागपूरच्या आर्थिक गुन्हे शाखेत दाखल असलेल्या गुन्ह्याची दखल घेत ईडीने ही कारवाई केली आहे.
दरम्यान सतिश उके आणि त्यांच्या भावाला ईडीने आज मुंबईत PMLA कोर्टासमोर सादर केलं. दिवसभर चाललेल्या युक्तीवादानंतर कोर्टाने सतिश उके आणि त्यांच्या भावाला ६ एप्रिलपर्यंत ईडी कोठडीत ठेवण्याचे आदेश दिले आहेत.
आज झालेल्या सुनावणीमध्ये सतिश उके यांनी स्वतः आपली बाजू मांडत फडणवीसांच्या भावांनी मला धमकावल्याचं कोर्टाला सांगितलं. इतकच नव्हे तर या सुनावणीदरम्यान उके कोर्टात रडले देखील. उके बंधूंना न्यायालयासमोर हजर केल्यानंतर ईडीकडून या प्रकरणाची माहिती न्यायालयात देण्यात आली. नागपूरमधील जमीन गैरव्यवहार प्रकरणात आर्थिक गुन्हे शाखेत दोन गुन्हे नोंदवले गेले आहेत. खैरूनिसा शेख या महिलेच्या पतीचा मृत्यू झाल्यावर त्या महिलेवर दबाव टाकून महिलेच्या पतीने उकेंशी व्यवहार केला हे मान्य करण्यास सांगितले. यांसह विविध प्रकरणात आरोपीची कोठडी मिळून तपासाची गरज असल्याचा युक्तीवाद ईडीच्या वकीलांनी न्यायालयात केला.
सतिश उके यांच्याकडून नंतर वकील रवी जाधव यांनी कोर्टासमोर बाजू मांडली. यावेळी त्यांनी ईडीच्या कारवाईवर प्रश्नचिन्ह निर्माण केलं. उके हे व्यवसायाने वकील आहेत. अटकेनंतर उकेंना २४ तासात कोर्टात हजार करणे गरजेचे असताना ईडीने तसे केले नाही. जी कायदेशीर प्रक्रिया आहे ते ईडीचे अधिकारी पाळत नाहीत. अटकेचा मेमोही अद्याप दिलेला नसल्याचा युक्तीवाद जाधव यांनी केला.
