Women’s Day Special: अमृता फडणवीस म्हणतात, ट्रोलर्सना मी का घाबरू?

राजकारणाशी संबंध येणा-या महिला कितीही स्ट्रॉंग असल्या, खंबीरपणे आपलं काम करणा-या असल्या तरी त्यांचा शब्द हा त्यांच्या यजमानांच्या शब्दाखाली दबलेला असतो असं कधी कधी दिसून येतं. पण माझ्याबाबतीत असं कधीच घडलं नाही. वैयक्तिक आयुष्यात ना मी कधी हिपोक्रेसी पाळली, ना सोशल मीडियावर. माझं सोशल मीडिया मी स्वत: हाताळते. तिथलं प्रत्येक मत, विचार माझे स्वत:चेच असतात. मुख्य म्हणजे ते खरे असतात. कुठलाही मुखवटा नाही, आड पडदा नाही. मी ख-या आयुष्यात जशी आहे, तशीच मी तिथेही व्यक्त होत असते. त्यामुळे मी जर काही चुकीचं करत नाही, तर ट्रोलिंगला घाबरायचं कशाला?, माझ्या पुरता हा प्रश्न मी असा सोडवला आहे.