नाचता-नाचता अचानक तरुणाने स्वत:च्याच छातीत भोसकला चाकू, होळीदरम्यान धक्कादायक घटना

इंदूर: इंदूरच्या बाणगंगा पोलीस स्टेशन हद्दीतील गोविंद कॉलनीमध्ये एका तरुणाला होळी साजरी करतानाच जीव गमवावा लागल्याची धक्कादायक घटना घडली आहे. एकीकडे होळी सुरु होती आणि दुसरीकडे तरुण बेधुंद होऊन नाचत होता. पण अचानक तरुणाने चाकू काढून नाचता नाचता स्वतःच्याच छातीवर वार केले. यावेळी गंभीर जखमी झालेल्या तरुणाला रुग्णालयात दाखल करण्यात आले. जिथे त्याचा उपचारादरम्यान मृत्यू झाला. आता या संपूर्ण घटनेचे सीसीटीव्ही फुटेज देखील समोर आले असून, ते सोशल मीडियावर व्हायरल होत आहे.